ۇلىتاۋ وبلىسىندا «تازا قازاقستان» ۇلتتىق ەكولوگيالىق باستاماسىن ىلگەرىلەتۋ ماقساتىندا جەزقازعان مەن قاراجال قالالارىندا جاستاردىڭ قاتىسۋىمەن ماڭىزدى ەكولوگيالىق ءىس-شارالار ۇيىمداستىرىلدى. اتالعان شارالاردىڭ ماقساتى – وسكەلەڭ ۇرپاقتىڭ ەكولوگيالىق مادەنيەتىن ارتتىرۋ، تابيعاتتى قورعاۋعا دەگەن جاۋاپكەرشىلىگىن كۇشەيتۋ.
جەزقازعان قالاسىندا «ەكولوگيا جانە جاستار بەلسەندىلىگى» اتتى كەزدەسۋ ءوتىپ، جاستار اراسىندا ەكوسانا قالىپتاستىرۋ ماسەلەلەرى تالقىلاندى.
شاراعا جەزقازعان قالالىق جاستار رەسۋرستىق ورتالىعىنىڭ ديرەكتورى ساكەن قايراتۇلى جاستاردىڭ ەكولوگيالىق باستامالارعا قاتىسۋىنىڭ ماڭىزىن اتاپ ءوتىپ، تابيعاتتى قورعاۋدى ءار ازامات وزىنەن باستاۋ كەرەكتىگىن ايتتى.
قاراجال قالاسىنىڭ جالپى ءبىلىم بەرۋ مەكتەپتەرىندە «تازا قالا» تاقىرىبىندا ءبىر مەزەتتە ەكولوگيالىق ساباقتار ۇيىمداستىرىلدى. ساباقتاردا وقۋشىلارعا تۇرمىستىق مادەنيەت، قوقىستى دۇرىس سۇرىپتاۋ، قورشاعان ورتاعا ۇقىپتى قاراۋ داعدىلارى ءتۇسىندىرىلدى.
ساباقتىڭ نەگىزگى ماقساتى – جاس ۇرپاققا تازالىق مادەنيەتىن قالىپتاستىرۋ.
2025 جىلدىڭ باسىنان بەرى ۇلىتاۋ وبلىسىندا 13 وبلىستىق جانە 17 قالالىق سەنبىلىك وتكىزىلدى.
«تازا قازاقستان» اكتسياسى – بۇل قورشاعان ورتانىڭ جاي-كۇيىن جاقسارتۋعا، ەكولوگيالىق سانانى قالىپتاستىرۋعا باعىتتالعان باستاما عانا ەمەس، سونداي-اق رۋحاني تازالىقتىڭ، ادالدىق پەن وتانسۇيگىشتىكتىڭ يدەولوگياسى.
