Ūlytau oblysynyŋ äkımı Eset Baiken bastaǧan oblys äkımdıgınıŋ delegasiiasy «Qazaqmys» Tobynyŋ öŋırdegı negızgı öndırıstık, salynyp jatqan jäne äleumettık nysandaryn aralady.
Öŋır basşysymen «Qazaqmys korporasiiasy» JŞS Basqarma töraǧasy Ruslan Öskenälı jäne kompaniianyŋ beiındı baǧyttarynyŋ basşylary bırge jürdı.
Sapar baǧdarlamasyndaǧy alǧaşqy öndırıstık nysan Batys Jezqazǧan kenışınıŋ №67 şahtasy boldy. Mūnda oblys äkımıne ken öndırudıŋ tehnologiialyq üderısı, zamanaui jerasty tehnikasynyŋ jūmysy jäne önerkäsıptık qauıpsızdıktıŋ qoldanystaǧy standarttary tanystyryldy.
Būdan keiın delegasiia «Qazaqmys Barlau» JŞS-nyŋ būrǧylau alaŋyna bardy. Mūnda Basqarma töraǧasynyŋ orynbasary – geologiialyq barlau jönındegı bas operasiialyq direktor Ǧalym Nūrjanov zamanaui būrǧylau qondyrǧylarynyŋ jūmysymen tanystyryp, kompaniianyŋ geologiialyq barlau baǧdarlamasynyŋ ıske asyrylu barysy turaly baiandady. Bügınde Ūlytau oblysynda öŋırdıŋ mineraldyq-şikızat qoryn tolyqtyruǧa baǧyttalǧan auqymdy geologiialyq barlau baǧdarlamasy jüzege asyryluda. Baǧdarlama aiasynda 50 myŋ quma metrden astam aumaqqa būrǧylau jūmysyn jürgızu josparlanǧan.
Sapar barysynda oblys äkımı Sätbaev qalalyq auruhanasy janynan salynyp jatqan jaŋa travmatologiialyq punkttıŋ qūrylysymen tanysty. Jaŋa nysan qala tūrǧyndary men käsıporyn jūmyskerlerı üşın şūǧyl medisinalyq kömektıŋ qoljetımdılıgı men sapasyn arttyruǧa mümkındık beredı. Nysandy paidalanuǧa beru 2027 jylǧa josparlanǧan.
Osydan soŋ delegasiia Sätbaev qalasyndaǧy Kenşı daŋqy alaŋyna baryp, jürgızılıp jatqan jöndeu jäne abattandyru jūmysymen tanysty. Jaŋartylǧan alaŋ kenşıler eŋbegıne körsetılgen qūrmettıŋ belgısı retınde qala tūrǧyndarynyŋ basyn qosatyn zamanaui qoǧamdyq keŋıstıkke jäne türlı mädeni-köpşılık ıs-şara ötetın orynǧa ainalmaq.
Sapar baǧdarlamasy boiynşa taǧy bır nysan salynyp jatqan geologiialyq klaster boldy. «Qazaqmys» ökılderı «Ūlytau universitetı» KEAQ vise-rektory Därmen Taşatovpen bırge tau-ken salasyna joǧary bılıktı maman daiarlauǧa baǧyttalǧan zamanaui ǧylymi-bılım beru bazasynyŋ jobasyn tanystyrdy.
Būdan keiın oblys äkımı NAMYS sport keşenınde bolyp, nysannyŋ qyzmetımen jäne balalar men jasöspırımder sport akademiiasyn aşu josparymen tanysty. Qūny 8,1 mlrd. teŋgenı qūraityn joba aiasynda audany 5 myŋ şarşy metrden asatyn, 150-200 tärbielenuşıge arnalǧan zamanaui keşen salu közdelgen. Akademiianyŋ aşyluy 2026 jyldyŋ qyrküiek aiyna josparlanǧan.
Osydan soŋ öŋır basşysy «Jastar» saiabaǧyn qaita jaŋǧyrtu jūmysymen tanysty. Qūny 4,9 mlrd. teŋgenı qūraityn joba aiasynda jaiau seruendeu jäne velosiped joldary, subūrqaq pen zamanaui balalar oiyn alaŋdary salynyp, kögaldandyru jūmysy jüzege asyrylady. Qazırgı uaqytta demontaj jūmysy aiaqtalyp, abattandyrudyŋ negızgı kezeŋıne daiyndyq jürgızılude. Qaita jaŋǧyrtu jūmysyn 2026 jyldyŋ qazan aiynda aiaqtau közdelıp otyr.
Sapar qorytyndysynda taraptar Ūlytau oblysynda önerkäsıp, geologiialyq barlau, äleumettık infraqūrylym, densaulyq saqtau jäne bılım beru salalaryn damytu jönındegı yntymaqtastyqty odan ärı jalǧastyruǧa niettı ekenderın rastady.
