Prezident tapsyrmasy boiynşa Ūlytau oblysynda 25-ten astam ırı äleumettık jäne injenerlık-kommunikasiialyq infraqūrylym jobalary jüzege asyrylady. Būl turaly Ūlytau oblysynyŋ äkımı Eset Baiken sūhbat barysynda mälımdedı.
Ükımettıŋ qoldauymen öŋırde äleumettık jäne injenerlık-kommunikasiialyq infraqūrylymdy damytuǧa baǧyttalǧan 25-ten astam bırınşı kezektegı jobany kezeŋ-kezeŋımen jüzege asyru jūmystary bastaldy. Atalǧan jobalar ūlttyq kompaniialar jäne ırı biznes ökılderımen bırlesıp ıske asyrylady.
Öŋırdıŋ strategiialyq serıktesterınıŋ bırı – «Qazaqmys korporasiiasy» JŞS. Oblys äkımdıgı men korporasiia arasynda Jezqazǧan qalasynda zamanaui tennis ortalyǧyn saludy jäne 6 myŋ körermenge arnalǧan jaŋa jabyq futbol stadionyn jobalaudy közdeitın memorandumǧa qol qoiyldy.
Oblys äkımınıŋ aituynşa, jaŋa sport nysandary tūrǧyndarǧa, äsırese balalar men jastarǧa sportpen şūǧyldanuǧa qosymşa mümkındıkter beredı.
