Bügın Sätbaev qalasynda «Ūlytau jastary Jaŋa Konstitusiiany qoldaidy» taqyrybynda öŋırlık jastar forumy öttı. Auqymdy şara Ş. Dıldebaev atyndaǧy kenşıler saraiynda ūiymdastyryldy.
Forumnyŋ basty maqsaty – jastar arasynda belsendı azamattyq ūstanymdy qalyptastyru, Jaŋa Konstitusiia jobasynyŋ negızgı normalaryn keŋınen tüsındıru jäne ädılettı, progressivtı Qazaqstan qūru jolyndaǧy ortaq qūndylyqtardy nasihattau.
«Ädılettı jäne Progressivtı Qazaqstannyŋ Halyqtyq Konstitusiiasy üşın!» öŋırlık koalisiiasynyŋ jospary asynda ötken ıs-şaraǧa öŋırdıŋ belsendı jastary, öndırıstık käsıporyndardyŋ jas mamandary, qoǧamdyq ūiym ökılderı, jastar bırlestıkterı men qala tūrǧyndary qatysyp, barlyǧy 500-ge juyq adam jinaldy.
Forum barysynda spikerler Jaŋa Konstitusiianyŋ adam qūqyqtary men bostandyqtaryn qorǧau, zaŋ üstemdıgın nyǧaitu, jastar saiasatyn qoldau baǧytyndaǧy basymdyqtaryna toqtaldy. Sonymen qatar interaktivtı formattaǧy pıkırtalastar, viktorinalar jäne mädeni baǧdarlama ūiymdastyrylyp, qatysuşylardyŋ belsendı aralasuyna mümkındık jasaldy.
Sondai-aq eŋbek qatynastary, bılım beru jäne densaulyq saqtau salalaryndaǧy memlekettık kepıldıkter tüsındırıldı. Qatysuşylarǧa azamattardyŋ eŋbek qūqyqtary, tegın bılım alu mümkındıkterı jäne kepıldendırılgen medisinalyq kömek jönınde naqty aqparat berıldı.
Şara qorytyndysynda jastar Jaŋa Konstitusiiany qoldau – el bolaşaǧyna jasalǧan maŋyzdy ärı jauapty qadam ekenın atap öttı. Forum öŋır jastaryn bırıktırıp, qūqyqtyq mädeniettı arttyruǧa jäne azamattyq jauapkerşılıktı küşeituge serpın berdı.
