Referendumda maqūldanǧan Qazaqstannyŋ jaŋa konstitusiiasy eldıŋ halyqaralyq arenada Resei üşın senımdı serıktes bolyp qala beretının jäne orys tılın qorǧaudy qamtamasyz etetının körsetedı. Būl turaly Qazaqstannyŋ Reseidegı elşısı Däuren Abaev mälımdedı.
«Qazaqstan halyqaralyq arenada Resei üşın boljamdy jäne senımdı serıktes bolyp qala beredı. Bızdıŋ elımız orys tılınıŋ märtebesın saqtaidy. Sondai-aq prezident Qasym-Jomart Toqaev atap ötkendei, jaŋa Konstitusiia mätınınıŋ qazaq jäne orys tılderınde bırdei zaŋdy küşpen jariialanuy memleket tarapynan orys tılın jäne Qazaqstandaǧy orys tıldı halyqty qorǧauǧa degen ūmtylysty aiqyn körsetedı», – dedı ol.
Elşı sonymen qatar jaŋa Konstitusiia Qazaqstannyŋ ūzaqmerzımdı perspektivada senımdı ärı tūraqty damuyna jaǧdai jasaitynyn aitty.
«Jaŋa Konstitusiia memleket qaǧidalaryn adamnyŋ qūqyǧy tūrǧysynan anyqtaidy. Negızgı ideia – adamnyŋ ajyramas qūqyqtary. Būl bölım konstitusiiadaǧy eŋ kölemdı bölımderdıŋ bırı boldy. <…> Bız üşın jaŋa Konstitusiiany qabyldau – maŋyzdy ärı şeşuşı oqiǧa», – dedı Abaev.
Ol Reseige jaŋa Konstitusiiany qabyldau referendumyna körsetken nazary üşın de alǧys bıldırdı. Aituynşa, referendumdy baqylauǧa Reseiden 92 ökıl qatysqan, olardyŋ ışınde RF Ortalyq sailau komissiiasy men Syrtqy ıster ministrlıgınıŋ ökılderı bar.
Sondai-aq elşı Mäskeudegı dauys beru uchaskesınde sailauşylardyŋ belsendı bolǧanyn atap öttı.
«Mäskeude dästürlı türde dauys beruge bolatyn uchaske jūmys ıstedı. Qatysu deŋgeiı öte joǧary boldy. Ol 87 paiyzdy qūrady, 1 myŋnan astam adam dauys berdı», – dedı ol.
