Ūlytau oblysynda Qazaqstan Respublikasynyŋ Prezidentı Qasym-Jomart Toqaevtyŋ 2026 jylǧy 28 qazandaǧy «Jaŋa tarihi kezeŋdegı Qazaqstannyŋ özektı mındetterı» atty Qazaqstan halqyna Joldauynyŋ negızgı baǧyttaryn tüsındıruge arnalǧan respublikalyq aqparattyq-tüsındıru tobynyŋ öŋır tūrǧyndarymen kezdesuı öttı.
Is-şaraǧa Qūryltai deputaty Darhan Ahmadiev, Eŋbek jäne halyqty äleumettık qorǧau vise-ministrı Eldar Küzenbaev jäne Halyq keŋesınıŋ müşesı Amanjol Ältai qatysty.
Kezdesu barysynda qatysuşylar Memleket basşysy aiqyndaǧan basym baǧyttardy, atap aitqanda, sifrlyq transformasiia, jasandy intellektını damytu, halyqtyŋ äl-auqatyn arttyru, jūmyspen qamtudy qamtamasyz etu, äleumettık infraqūrylymdy jetıldıru jäne adami kapitaldy damytu mäselelerın talqylady.
Joldauda jüktelgen mındetterdı Ūlytau oblysynyŋ ekonomikalyq jäne äleumettık äleuetın eskere otyryp jüzege asyruǧa erekşe nazar audaryldy.
Qūryltai deputaty Darhan Ahmadiev atap ötkendei, Prezident Joldauy el ekonomikasyn nyǧaituǧa, azamattardyŋ ömır süru sapasyn arttyruǧa jäne memlekettık basqaru jüiesın jetıldıruge baǧyttalǧan strategiialyq damu baǧdarlaryn aiqyndaidy.
Maŋyzdy baǧyttardyŋ bırı – äleumettık infraqūrylymdy jaŋǧyrtudy közdeitın «Halyqtyq qūrylys» baǧdarlamasyn ıske asyru. Baǧdarlama aiasynda bılım beru, densaulyq saqtau, sport jäne mädeniet nysandaryn salu, sondai-aq qosymşa jūmys oryndaryn aşu qarastyrylǧan.
Kezdesuge qatysuşylar halyqty äleumettık qoldau, medisina qyzmetkerlerınıŋ eŋbekaqysyn arttyru, bılım beru jüiesın damytu jäne pedagogterge tüsetın äkımşılık jüktemenı azaitu mäselelerıne de erekşe köŋıl böldı.
Talqylau barysynda ekonomikanyŋ türlı salasyn sifrlandyru men zamanaui tehnologiialardy engızudıŋ maŋyzdylyǧy atalyp öttı. Ūlytau oblysy üşın su resurstaryn ūtymdy paidalanu, önerkäsıptı jaŋǧyrtu jäne sifrlyq infraqūrylymdy damytu mäselelerı airyqşa özektı.
Sonymen qatar öŋır ekonomikasyn ärtaraptandyru, investisiia tartu, şaǧyn jäne orta biznestı qoldau, turizmdı damytu jäne jastar üşın jaŋa jūmys oryndaryn aşu perspektivalary qarastyryldy.
Ūlytau oblysynda bırqatar ırı äleumettık jäne infraqūrylymdyq jobany jüzege asyru jūmystary bastalyp kettı. Memleket basşysy Qasym-Jomart Toqaevtyŋ tapsyrmalaryna säikes jäne Ükımettıŋ qoldauymen 30-ǧa juyq nysandy jaŋǧyrtu qolǧa alyndy.
Būl jobalar injenerlık infraqūrylymdy jaŋartuǧa, halyqtyŋ ömır süru sapasyn arttyruǧa jäne öŋırdıŋ odan ärı damuyna qolaily jaǧdai jasauǧa baǧyttalǧan.
Oblystyŋ damuynda kölık infraqūrylymy maŋyzdy oryn alady. Memleket basşysynyŋ tapsyrmasy boiynşa «Samūryq-Qazyna» AQ Jezqazǧan jäne Qarajal qalalaryndaǧy, Jaŋaarqa audanyndaǧy jäne Qyzyljar stansiiasyndaǧy tört temırjol vokzalyn jaŋǧyrtty. Jaŋartylǧan nysandar qaita paidalanuǧa berılıp, jolauşylarǧa qyzmet körsetude.
Öŋır üşın Jezqazǧan – Qyzylorda jäne Jezqazǧan – Arqalyq avtomobil joldarynyŋ qūrylysyn aiaqtap, paidalanuǧa beru erekşe maŋyzǧa ie. Būl jobalar kölık qatynasyn jaqsartuǧa, jük jäne jolauşylar tasymalyna qolaily jaǧdai jasauǧa, sondai-aq sauda-ekonomikalyq bailanystardy keŋeituge mümkındık beredı. Sonymen qatar Jezqazǧan – Qaraǧandy avtomobil jolynyŋ qūrylysy jalǧasuda. Jol jelısın damytu oblystyŋ kölık-logistikalyq äleuetın nyǧaityp, investisiialyq tartymdylyǧyn arttyruǧa yqpal etedı.
Densaulyq saqtau salasynda da auqymdy jūmystar atqaryluda. Ūlytau auylynda 20 tösek-oryndyq auruhana men bır auysymda 100 adam qabyldauǧa arnalǧan emhananyŋ qūrylysy jürgızılude. Nysandy osy jyldyŋ soŋyna deiın paidalanuǧa beru josparlanǧan.
Jezqazǧan qalasynda «Zhyly Zhurek» qorynyŋ qoldauymen biylǧy şılde aiynan bastap bır auysymda 250 adam qabyldaityn jaŋa emhana salynyp jatyr.
Sondai-aq oblys ortalyǧynyŋ medisinalyq infraqūrylymyn jaŋǧyrtu aiasynda onkologiialyq korpus pen perinataldyq ortalyq salu közdelgen. Qūrylys-montaj jūmystaryn jaqyn arada bastau josparlanyp otyr.
Būdan bölek, «Samūryq-Qazyna» AQ-men qol jetkızılgen kelısımder aiasynda Jezqazǧanda balalarǧa arnalǧan inkliuzivtı oŋaltu ortalyǧy men zamanaui inkliuzivtı sport keşenın salu josparlanuda.
Öŋırdıŋ sport, mädeniet jäne äleumettık infraqūrylymyn damytu jūmystary da jalǧasuda. Atap aitqanda, «Qarmet» AQ Qarajal qalasynda balabaqşa saludy josparlap otyr. Al «Qazaqmys» korporasiiasy 2027 jyldyŋ bırınşı jartyjyldyǧynda Jezqazǧanda 800 oryndyq Kongress-ortalyqtyŋ, tennis ortalyǧy men jaŋa stadionnyŋ qūrylysyn bastaudy közdep otyr.
Atalǧan jobalardy jüzege asyru infraqūrylymdy damytuǧa, tūrǧyndar üşın jaŋa mümkındıkter jasauǧa jäne Ūlytau oblysynyŋ äleumettık-ekonomikalyq äleuetın nyǧaituǧa baǧyttalǧan.
