Ukrainalyq saiasatkerı Geraşenko Toqaevtyŋ Qazaqstandy tübegeilı demokratiialandyru turaly şeşımı körşıles reseilık saiasatkerler üşın «atom bombasy» bolatynyn aitty.
Qazaqstan Prezidentı Qasym-Jomart Toqaev elde kezekten tys prezident sailauyn 2022 jyldyŋ küzınde ötkızudı ūsyndy. Būl turaly memleket basşysynyŋ halyqqa joldauynda jasaǧan mälımdemesıne sılteme jasaǧan aqparat agenttıkterı habarlaidy.
Toqaev eldegı prezidenttık bilık jüiesın aitarlyqtai özgertudı ūsyndy. Qazaqstan Prezidentı ömırınde bır ret qana qyzmet atqara alady. Ökılettık merzımı – 7 jyl. Eger ūsynys qabyldansa, Toqaev merzımınen būryn sailau jariialap, oǧan baruǧa daiyn.
Kelesı prezidenttık sailauy tek 2024 jyly, al parlament sailauy 2025 jyly ötuı tiıs. Ūsynylǧan bastamalar maqūldansa, jaŋa prezident biyl küzde sailanady, 2023 jyldyŋ bırınşı jartysynda parlamenttık sailau ötedı. Qazırgı Qazaqstan memleketınıŋ basşysy bırden bırneşe reformalyq bastama köterdı.
Qaŋtar oqiǧasyna qatysuşylarǧa raqymşylyq jariialandy. Äielder üşın zeinet jasy 63-ten 61-ge deiın tömendetıldı. Qazırgı memleket basşysy Qazaqstan Ūlttyq qorynyŋ jyldyq investisiialyq kırısınıŋ 50 paiyzyn ärbır kämeletke tolmaǧan azamattyŋ şotyna esepteudı ūsyndy.
Ukraina Işkı ıster ministrlıgı basşysynyŋ keŋesşısı Anton Geraşenko özınıŋ telegram-kanalynda ūsynylǧan saiasi bastamalar memlekettı demokratiialandyrudyŋ qaitymsyz prosesı ekenın jäne körşıles reseilık saiasatkerler üşın «atom bombasyna» ainalatynyn atap öttı.
«Toqaev aitqan ideialar reseilık saiasatkerler üşın atom bombasy bolyp tabylady. Qazaqstan Prezidentı putindık Reseimen emes, örkeniettı älemmen bırge bolatynyn körsettı. Qazaqstanda demokratiialandyrudyŋ qaitymsyz prosesterı bastaldy», - dedı Geraşenko.
Kerımsal Jūbatqanov
