«Daryn» memlekettık jastar syilyǧyn beru jönındegı konkurstyq komissiianyŋ qorytyndy otyrysy öttı. Jiynǧa Qazaqstan Respublikasynyŋ Mädeniet jäne aqparat ministrı Arman Qyryqbaev qatysty.
Biyl syilyqqa 504 ötınım tüstı. Aldyn ala tekseru qorytyndysynda onyŋ 429-y konkurstyq komissiianyŋ qarauyna jıberıldı.
Irıkteu 10 atalym boiynşa jürgızıledı. Eŋ köp ötınım «Ǧylym» – 119 jäne «Qoǧamdyq qyzmet» – 75 atalymdary boiynşa qabyldandy. «Teatr jäne kino» atalymyna – 58, «Halyq şyǧarmaşylyǧy» – 43, «Klassikalyq muzyka» – 30, «Ädebiet» – 23, «Estrada» jäne «Dizain jäne beineleu önerı» atalymdarynyŋ ärqaisysyna 22, «Sport» – 20, «Jurnalistika» atalymyna 17 ötınım tüstı.
Komissiia qūramynda Qūryltai deputattary, ortalyq memlekettık organdardyŋ ökılderı, ǧalymdar, mädeniet jäne öner qairatkerlerı, qoǧam qairatkerlerı, Qazaqstan Respublikasy Prezidentınıŋ janyndaǧy Jastar saiasaty jönındegı keŋestıŋ müşelerı, käsıpkerler jäne Prezidenttık jastar kadr rezervınıŋ ökılderı bar.
Irıkteu ekı kezeŋnen tūrdy. 27-29 qazan aralyǧynda tiıstı baǧyttar boiynşa alty seksiialyq otyrys öttı. Jiyn qorytyndysy negızınde komissiianyŋ qorytyndy otyrysyna ūsynystar äzırlendı.
Komissiia jūmysynyŋ nätijesınde on nominasiianyŋ ärqaisysy boiynşa ekı adamnan barlyǧy 20 ümıtker anyqtaldy.
Mädeniet jäne aqparat ministrı Arman Qyryqbaev komissiia müşelerıne atqarǧan jūmysy üşın alǧys bıldırdı. Ministr ümıtkerlerdı ädıl ärı jan-jaqty baǧalaudyŋ, elımızdegı talantty, bastamaşyl jastardy qoldaudyŋ maŋyzyn atap öttı.
«Daryn» memlekettık jastar syilyǧynyŋ iegerlerın marapattau räsımı 26 qaraşada ötedı.
«Daryn» memlekettık jastar syilyǧy ǧylymda, şyǧarmaşylyqta, qoǧamdyq qyzmet pen sportta eleulı jetıstıkke jetken talantty jastardy qoldau maqsatynda 1992 jyly taǧaiyndalǧan. Osy uaqyttan berı türlı salada eŋbek etetın 400-ge juyq adam syilyq iegerı atandy.
