Saran qalasyndaǧy Tengri Tyres şina zauytynda el ekonomikasyn nyǧaitu, otandyq öndırıstı örkendetu jäne önerkäsıptıŋ bäsekege qabılettılıgın arttyru mäselelerı talqylandy. Käsıporynǧa Qūryltai deputattary Aisūlu Süleimenova men Aleksandr Danilov, Qazaqstan Halyq Keŋesınıŋ müşelerı Vitalii Tvarionas, Uvais Djanaev jäne Vitalii Hmelevskii, sondai-aq Ūlttyq ekonomika vise-ministrı Erlan Saǧynaev bardy.
Bügınde Tengri Tyres – Qaraǧandy oblysynyŋ önerkäsıp salasyndaǧy ırı käsıporyndarynyŋ bırı. Mūnda öŋırdıŋ jüzdegen tūrǧyny eŋbek etedı. Zauyttyŋ tynys-tırşılıgı men öndırıstık äleuetı otandyq käsıporyndardyŋ el ekonomikasyn nyǧaitudaǧy ornyn aiqyn aŋǧartady.
Kezdesu barysynda eŋbek ūjymymen Memleket basşysy Qasym-Jomart Toqaevtyŋ «Jaŋa tarihi kezeŋdegı Qazaqstannyŋ özektı mındetterı» atty Qazaqstan halqyna Joldauynda aiqyndalǧan basym baǧyttar talqylandy. Ekonomikanyŋ naqty sektoryn damytu, investisiia tartu, önerkäsıp qūrylymyn ärtaraptandyru jäne öndırıs oryndaryn tehnologiialyq tūrǧydan jaŋǧyrtu mäselelerıne basa nazar audaryldy.
Prezident öz Joldauynda eldıŋ ekonomikalyq quatyn arttyru, zamanaui infraqūrylym qalyptastyru jäne ozyq tehnologiialardy keŋınen engızu egemendıktı nyǧaityp, halyqtyŋ äl-auqatyn jaqsartudyŋ maŋyzdy alǧyşarttary ekenın atap ötken bolatyn. Sonymen qatar jaŋa käsıporyndar aşu, öndırıs auqymyn keŋeitu jäne tūraqty jūmys oryndaryn qūru da el damuynyŋ strategiialyq basymdyqtary retınde belgılendı.
Būl mındetter Tengri Tyres sekıldı otandyq öndırıs oryndarynyŋ qyzmetımen tıkelei bailanysty. Sapaly ärı bäsekege qabılettı önım şyǧaru, öndırıs üderısıne jaŋa tehnologiialardy engızu jäne käsıporyndardyŋ mümkındıgın keŋeitu önerkäsıptıŋ örısın ūlǧaituǧa jol aşady. Mūnyŋ özı importqa täueldılıktı azaityp, qazaqstandyq önımnıŋ syrtqy naryqtaǧy bäsekege qabılettılıgın arttyruǧa mümkındık beredı.
Qūryltai deputaty Aleksandr Danilov önerkäsıptıŋ damuy, eŋ aldymen, öndırıs oryndarynda eŋbek etetın adamdardyŋ käsıbilıgı men jauapkerşılıgıne bailanysty ekenın atap öttı.
– Prezident Joldauy Qazaqstannyŋ aldaǧy damu baǧdary men strategiialyq basymdyqtaryn aiqyndaidy. Onda ekonomikany nyǧaituǧa, zamanaui tehnologiialardy engızuge jäne önerkäsıptı örkendetuge airyqşa män berılgen. Otandyq öndırıstı damytu, jaŋa jūmys oryndaryn aşu jäne eŋbek ūjymdaryn qoldau – el ekonomikasynyŋ tūraqtylyǧyn qamtamasyz etetın berık negız. Ärbır käsıporynnyŋ jetıstıgı, eŋ aldymen, onda eŋbek etetın adamdardyŋ käsıbi bılıgıne, jauapkerşılıgıne jäne kündelıktı maŋdai terıne bailanysty. Sondyqtan öndırıstıŋ örkendeuıne qajettı jaǧdai jasap, är adamnyŋ eŋbegı sūranysqa ie bolyp, laiyqty baǧalanuyna mümkındık tuǧyzu – ortaq mındetımız, – dedı Aleksandr Danilov.
Jüzdesu barysynda adami kapitaldy damytu mäselesı de nazardan tys qalmady. Qatysuşylar zamanaui öndırıstıŋ örkendeuı investisiia men ozyq tehnologiiaǧa ǧana emes, bılıktı mamandarǧa da tıkelei bailanysty ekenın atap öttı. Öitkenı jaŋa jabdyqty igerıp, öndırıs üderısın jetıldıru üşın käsıbi şeberlıgın ūdaiy şyŋdap otyratyn, jaŋaşyldyqqa beiım kadrlar qajet.
Önerkäsıptıŋ örkendeuı – memleket pen bizneske ǧana emes, tūtas qoǧamǧa ortaq jauapkerşılık. Al öndırıs ūjymdarymen osyndai jüzdesuler Joldauda belgılengen mındetterdı talqylap qana qoimai, sala mamandarynyŋ pıkırın tyŋdauǧa, olardy tolǧandyrǧan mäselelerdı ortaǧa salyp, özara aşyq pıkır almasuǧa mümkındık beredı.
