Qasym-Jomart Toqaevtyŋ Qazaqstan Prezidentı qyzmetıne kırıskenıne jetı jyl öttı. Osy kezeŋde Qazaqstan ekonomikasynda eleulı özgerıster boldy.
JIÖ ösımı
Jan basyna şaqqandaǧy jalpy ışkı önım ūlttyq valiutada ekı eseden astam östı. 2019 jyldyŋ bırınşı toqsanynda būl körsetkış 715,5 myŋ teŋgenı qūrasa, 2026 jyldyŋ bırınşı toqsanynda 1 mln 661,6 myŋ teŋgege jettı.
Osylaişa, atauly ösım 2,3 ese boldy.
Jan basyna şaqqandaǧy JIÖ-nı dollarmen eseptegende de oŋ dinamika baiqalady. Jetı jyl ışınde būl körsetkış 2 005,1 dollardan 3 338,3 dollarǧa deiın, iaǧni şamamen 1,7 ese östı. Teŋge men dollardaǧy ösımnıŋ aiyrmaşylyǧy, sonyŋ ışınde ūlttyq valiuta baǧamynyŋ özgeruıne bailanysty.
Halyqaralyq rezervter
Sonymen qatar Qazaqstannyŋ taza syrtqy qaryzy azaidy. 2019 jyldyŋ bırınşı toqsanynda onyŋ kölemı 51 mlrd dollar bolsa, 2026 jyldyŋ bırınşı toqsanyna qarai 35,1 mlrd dollarǧa deiın tömendedı. Qaryz kölemı şamamen 16 mlrd dollarǧa nemese 31%-ǧa qysqardy.
Eldıŋ jalpy halyqaralyq rezervterı aitarlyqtai östı. Qarastyrylyp otyrǧan kezeŋde olardyŋ kölemı 27 mlrd dollardan 66,8 mlrd dollarǧa deiın ūlǧaiyp, şamamen 2,5 ese artty.
Halyqaralyq rezervter memlekettıŋ qarjylyq tūraqtylyǧyn qoldauǧa, syrtqy mındettemelerdı oryndauǧa jäne ekonomikalyq küizelıster kezınde täuekelderdı azaituǧa paidalanylady.
Altyn
Halyqaralyq rezervter qūramyndaǧy monetarlyq altyn kölemı aitarlyqtai östı. 2019 jyldyŋ bırınşı toqsanynda onyŋ qūny 15 mlrd dollarǧa baǧalansa, 2026 jyldyŋ bırınşı toqsanynda būl körsetkış şamamen 51,8 mlrd dollarǧa jettı.
Osylaişa, monetarlyq altynnyŋ aqşalai mändegı kölemı şamamen 3,45 ese ūlǧaidy.
Zeinetaqy
Özgerıster äleumettık salany da qamtydy. Eŋ tömengı zeinetaqy mölşerı 2019 jylǧy 36 108 teŋgeden 2026 jyly 69 049 teŋgege deiın östı.
Osylaişa, eŋ tömengı zeinetaqy mölşerı şamamen 1,9 ese artty.
