Foto Jİ kömegımen jasalǧan
Aqtaudaǧy jekemenşık Tulpar School mektebınde bolǧan janjal äleumettık jelıde qyzu talqylanyp jatyr. Oqiǧaǧa qatysty Maŋǧystau oblysynyŋ bılım basqarmasy tüsınıkteme berdı, dep habarlaidy “Adyrna”.
Vedomstvonyŋ mälımetınşe, oqiǧa 16 qazanda bolǧan. Mektep qyzmetkerı eden juuşydan direktordyŋ kabinetın tazalaudy sūraǧan. Alaida ol tapsyrmany oryndaudan bas tartyp, dörekı söilegennen keiın kabinetten şyǧyp ketken.
Būǧan aşulanǧan mektep qyzmetkerı eden juuşynyŋ şelegın aiaǧymen teuıp, ışındegı sudy tögıp tastaǧan. Oqiǧa tüsırılgen video keiın äleumettık jelılerde taraǧan.
Tekseru barysynda janjalǧa qatysqan äieldıŋ mektepte qosymşa fakultativ sabaqtaryn da ötkızgenı anyqtalǧan. Pedagogikalyq ädep talaptaryn būzǧany üşın onymen jasalǧan eŋbek şarty toqtatylǧan.
Aita keteiık, äleumettık jelılerde jūmystan şyǧarylǧan qyzmetkerdıŋ lisei direktory Halef Cheliktıŋ jūbaiy ekenı turaly aqparat tarady. Alaida būl mälımet äzırge resmi türde rastalǧan joq.
