Almaty qalasyndaǧy Şäkärım Qūdaiberdıūly atyndaǧy №190 mektepte nauryzdaǧy jer sılkınısınen keiın jaryqtar paida bolǧan, dep habarlaidy «Adyrna» tılşısı Tengrinews.kz-ke sılteme jasap.
Redaksiiaǧa jügıngen ata-analar tabiǧi sipattaǧy tötenşe jaǧdai saldarynan mektep ǧimaratynda, onyŋ ışınde negızgı jük kötergış qūrylymdar boiynda köptegen jaryqtar paida bolǧanyn mälımdedı. Aitularynşa, būl ǧimarttyŋ seismikalyq tözımdılıgıne kümän keltıredı.
Olar äkımdıkten mekteptıŋ seismikalyq tözımdılıgıne qūrylys-tehnikalyq saraptama jürgızudı, sondai-aq ǧimaratty apattyq evakuasiialau esıkterımen jabdyqtaudy sūraidy.
Bostandyq audany äkımdıgı äkım apparaty audandyq Tötenşe jaǧdailar bölımı, qala qūrylysyn baqylau bölımınıŋ mamandary jäne Bostandyq audandyq bılım bölımınıŋ mamandarymen bırlese otyryp, 6 nauryzda Ş.Qūdaiberdıūly atyndaǧy №190 orta mektepke barǧandaryn habarlady.
«Tekseru barysynda oqu kabinetterınıŋ qabyrǧalarynda jaryqtar anyqtaldy, ol boiynşa jūmys tobymen vizual tekseru aktısı jasalyp, foto jäne beinejazba jürgızıldı, aralau qorytyndysy boiynşa oqu oryndarynyŋ atyna hattar joldandy. Sapar qorytyndysy boiynşa, Almaty qūrylys jäne bılım basqarmalaryna atalǧan bılım nysanyn seismikalyq küşeitu arqyly kürdelı jöndeu jūmystaryn jürgızu mäselesın qarau turaly hattar joldandy»,—dedı äkımdık.
«Adyrna» tılşısı män-jaidy anyqtau üşın mektep direktoryna habarlasty. Alaida basşy telearna jurnalisterınıŋ kelıp jatqanyna bailanysty jauap beruge qoly timeitının jetkızdı.
https://youtu.be/kMgR-6ZWQps
