Almaty qalasyndaǵy Shákárim Qudaıberdiuly atyndaǵy №190 mektepte naýryzdaǵy jer silkinisinen keıin jaryqtar paıda bolǵan, dep habarlaıdy «Adyrna» tilshisi Tengrinews.kz-ke silteme jasap.
Redakııaǵa júgingen ata-analar tabıǵı sıpattaǵy tótenshe jaǵdaı saldarynan mektep ǵımaratynda, onyń ishinde negizgi júk kótergish qurylymdar boıynda kóptegen jaryqtar paıda bolǵanyn málimdedi. Aıtýlarynsha, bul ǵımarttyń seısmıkalyq tózimdiligine kúmán keltiredi.
Olar ákimdikten mekteptiń seısmıkalyq tózimdiligine qurylys-tehnıkalyq saraptama júrgizýdi, sondaı-aq ǵımaratty apattyq evakýaııalaý esikterimen jabdyqtaýdy suraıdy.
Bostandyq aýdany ákimdigi ákim apparaty aýdandyq Tótenshe jaǵdaılar bólimi, qala qurylysyn baqylaý bóliminiń mamandary jáne Bostandyq aýdandyq bilim bóliminiń mamandarymen birlese otyryp, 6 naýryzda Sh.Qudaıberdiuly atyndaǵy №190 orta mektepke barǵandaryn habarlady.
«Tekserý barysynda oqý kabınetteriniń qabyrǵalarynda jaryqtar anyqtaldy, ol boıynsha jumys tobymen vızýal tekserý aktisi jasalyp, foto jáne beınejazba júrgizildi, aralaý qorytyndysy boıynsha oqý oryndarynyń atyna hattar joldandy. Sapar qorytyndysy boıynsha, Almaty qurylys jáne bilim basqarmalaryna atalǵan bilim nysanyn seısmıkalyq kúsheıtý arqyly kúrdeli jóndeý jumystaryn júrgizý máselesin qaraý týraly hattar joldandy»,—dedi ákimdik.
«Adyrna» tilshisi mán-jaıdy anyqtaý úshin mektep dırektoryna habarlasty. Alaıda basshy telearna jýrnalısteriniń kelip jatqanyna baılanysty jaýap berýge qoly tımeıtinin jetkizdi.
