الماتى قالاسىنداعى شاكارىم قۇدايبەردىۇلى اتىنداعى №190 مەكتەپتە ناۋرىزداعى جەر سىلكىنىسىنەن كەيىن جارىقتار پايدا بولعان، دەپ حابارلايدى «ادىرنا» ءتىلشىسى Tengrinews.kz-كە سىلتەمە جاساپ.
رەداكتسياعا جۇگىنگەن اتا-انالار تابيعي سيپاتتاعى توتەنشە جاعداي سالدارىنان مەكتەپ عيماراتىندا، ونىڭ ىشىندە نەگىزگى جۇك كوتەرگىش قۇرىلىمدار بويىندا كوپتەگەن جارىقتار پايدا بولعانىن مالىمدەدى. ايتۋلارىنشا، بۇل عيمارتتىڭ سەيسميكالىق توزىمدىلىگىنە كۇمان كەلتىرەدى.
ولار اكىمدىكتەن مەكتەپتىڭ سەيسميكالىق توزىمدىلىگىنە قۇرىلىس-تەحنيكالىق ساراپتاما جۇرگىزۋدى، سونداي-اق عيماراتتى اپاتتىق ەۆاكۋاتسيالاۋ ەسىكتەرىمەن جابدىقتاۋدى سۇرايدى.
بوستاندىق اۋدانى اكىمدىگى اكىم اپپاراتى اۋداندىق توتەنشە جاعدايلار ءبولىمى، قالا قۇرىلىسىن باقىلاۋ ءبولىمىنىڭ ماماندارى جانە بوستاندىق اۋداندىق ءبىلىم ءبولىمىنىڭ ماماندارىمەن بىرلەسە وتىرىپ، 6 ناۋرىزدا ش.قۇدايبەردىۇلى اتىنداعى №190 ورتا مەكتەپكە بارعاندارىن حابارلادى.
«تەكسەرۋ بارىسىندا وقۋ كابينەتتەرىنىڭ قابىرعالارىندا جارىقتار انىقتالدى، ول بويىنشا جۇمىس توبىمەن ۆيزۋال تەكسەرۋ اكتىسى جاسالىپ، فوتو جانە بەينەجازبا جۇرگىزىلدى، ارالاۋ قورىتىندىسى بويىنشا وقۋ ورىندارىنىڭ اتىنا حاتتار جولداندى. ساپار قورىتىندىسى بويىنشا، الماتى قۇرىلىس جانە ءبىلىم باسقارمالارىنا اتالعان ءبىلىم نىسانىن سەيسميكالىق كۇشەيتۋ ارقىلى كۇردەلى جوندەۋ جۇمىستارىن جۇرگىزۋ ماسەلەسىن قاراۋ تۋرالى حاتتار جولداندى»،—دەدى اكىمدىك.
«ادىرنا» ءتىلشىسى ءمان-جايدى انىقتاۋ ءۇشىن مەكتەپ ديرەكتورىنا حابارلاستى. الايدا باسشى تەلەارنا جۋرناليستەرىنىڭ كەلىپ جاتقانىنا بايلانىستى جاۋاپ بەرۋگە قولى تيمەيتىنىن جەتكىزدى.
