قازاقستان يمپورتىنىڭ ەڭ ءىرى ۇلەسى رەسەيگە تيەسىلى — باق

320
Adyrna.kz Telegram
https://www.adyrna.kz/storage/uploads/99crbA5arsDgFjRFNWFbPSb2DBJKGIQcK2k74Se8.jpg

فوتو: جي

2026 جىلدىڭ قاڭتار-قىركۇيەك ايلارى ارالىعىندا رەسەي قازاقستاننىڭ ەڭ ءىرى يمپورتتاۋشى سەرىكتەسى بولدى، دەپ حابارلايدى "ادىرنا". 

ونىڭ ۇلەسىنە ەلىمىزدىڭ جالپى يمپورت كولەمىنىڭ 31 پايىزى تيەسىلى. بۇل تۋرالى قازاقستان رەسپۋبليكاسى ۇلتتىق ستاتيستيكا بيۋروسىنىڭ 16 قاراشادا جاريالاعان مالىمەتتەرىندە كورسەتىلگەن.

يمپورت كولەمى بويىنشا ەكىنشى ورىندا قىتاي تۇر. كورشى ەلدىڭ ۇلەسى 30,3 پايىزدى قۇراعان. ال گەرمانيانىڭ ۇلەسى – 4,6 پايىز.

ال قازاقستاندىق ەكسپورتتىڭ نەگىزگى باعىتى – قىتاي. ەسەپتى كەزەڭدە ەلىمىزدىڭ ەكسپورتتىق جەتكىزىلىمدەرىنىڭ 17,9 پايىزى وسى ەلگە تيەسىلى بولدى. يتاليا 17,6 پايىزبەن ەكىنشى، رەسەي 8,5 پايىزبەن ءۇشىنشى ورىنعا جايعاستى.

ەۋرازيالىق ەكونوميكالىق وداققا مۇشە مەملەكەتتەر اراسىندا رەسەي قازاقستاننىڭ نەگىزگى ساۋدا سەرىكتەسى سانالادى. ونىڭ ۇلەسىنە قازاقستاننىڭ وداق ەلدەرىمەن جالپى تاۋار اينالىمىنىڭ 87,3 پايىزى تيەسىلى.

ۇلتتىق ستاتيستيكا بيۋروسىنىڭ دەرەگىنشە، 2026 جىلدىڭ قاڭتار-قىركۇيەك ايلارىندا قازاقستاننىڭ سىرتقى ساۋدا اينالىمى 116,8 ملرد اقش دوللارىنا جەتكەن. بۇل وتكەن جىلدىڭ سايكەس كەزەڭىمەن سالىستىرعاندا 11,8 پايىزعا جوعارى.

وسى كەزەڭدە ەكسپورت كولەمى 18,1 پايىزعا ءوسىپ، 68,4 ملرد دوللاردى قۇراسا، يمپورت 4 پايىزعا ارتىپ، 48,4 ملرد دوللارعا جەتكەن.

پىكىرلەر