تۇندە كراسنودار ولكەسىنە جيىرماعا جۋىق ۇشقىشسىز دروندار شابۋىل جاسادى، دەپ حابارلايدى "ادىرنا" ءتىلشىسى Life.ru-عا سىلتەپ.
درونداردىڭ باستى نىساناسى - مۇناي وڭدەۋ زاۋىتى بولدى.
رەسەي اسكەريلەرى اسپاندا 17 دروندى جويعان. سلاۆيانسك مۇناي وڭدەۋ زاۋىتىنىڭ اۋماعىنا تۇسكەن درون قالدىقتارى سالدارىنان ءورت شىقتى.
تۇندە جانە تاڭەرتەڭ رەسەيدىڭ سەگىز ايماعىندا زىمىراندار مەن دروندار اتىپ ءتۇسىرىلدى. بارلىق درونداردىڭ جارتىسى دەرلىك كراسنودار ولكەسىنىڭ اۋماعىندا جويىلعان. سالدارىنان ءبىر ادام قايتىس بولدى.
«اۋە شابۋىلىنا قارسى قورعانىس جۇيەلەرىمەن ماسكەۋ (4 ۇشقىشسىز ۇشۋ اپپاراتى), بەلگورود (3 ۇشقىشسىز ۇشۋ اپپاراتى), كالۋگا (2 ۇشقىشسىز ۇشۋ اپپاراتى), ورەل (1 ۇشقىشسىز ۇشۋ اپپاراتى), روستوۆ (1 ۇشقىشسىز ۇشاق), ياروسلاۆل (4 ۇشقىشسىز ۇشاق) اۋماقتارىندا 35 ۇشقىشسىز ۇشاق) ۇستالىپ، جويىلدى»، - دەپ حابارلادى رف قورعانىس مينيسترلىگى.
الدىن الا اقپارات بويىنشا، درون شابۋىلى كەزىندە ءبىر ادام قايتىس بولعان. ءولىم سەبەبى - ينفاركت.
مۇناي وڭدەۋ زاۋىتتارىنا ۇشقىشسىز اۆياتسيالىق شابۋىلداردىڭ جيىلەۋىنە بايلانىستى جانارمايدىڭ اكتسيالارىنىڭ باعاسى كوتەرىلگەن.
