رەسەيدىڭ تامبوۆ وبلىسىنىڭ ميچۋرينسك قالاسىندا Lada Priora كولىگىنىڭ جۇرگىزۋشىسى جاياۋ جۇرگىنشىلەر وتكەلىندە ادامدار توبىن قاعىپ كەتكەن. وقيعا ءساتى ۆيدەوعا ءتۇسىپ قالدى. كادرلاردان كولىكتىڭ جۇرگىزۋشىسى ءتىپتى تەجەمەگەنى انىق كورىنەدى، دەپ حابارلايدى “ادىرنا” ۇلتتىق پورتالى دزەن سايتىنا سىلتەر.
قايعىلى جول اپاتى كۇندىز، ميچۋرينسك قالاسىنىڭ ەڭ قوزعالىسى كوپ كوشەلەرىنىڭ بىرىندە بولعان. Lada Priora ۇلكەن جىلدامدىقپەن جاياۋ جۇرگىنشىلەردى باسىپ وتكەن.
الەۋمەتتىك جەلىدە تاراعان ۆيدەودا كولىكتىڭ توقتاماستان جاياۋ جۇرگىنشىلەر جولاعىنا شىعىپ، ادامداردى قاعىپ كەتكەنى كورىنەدى. كەيىن
اپات كەزىندە ادامدار جان-جاققا ۇشىپ كەتكەن. كۋاگەرلەردىڭ ايتۋىنشا، جاياۋ جۇرگىنشىلەردىڭ ءبىرى ەكىنشى كولىكتىڭ استىنا ءتۇسىپ قالعان.
الدىن الا مالىمەت بويىنشا، كولىكتى 45 جاستاعى جۇرگىزۋشى باسقارعان. ول نە ىستەگەنىن كورىپ، كولىكتەن ءتۇسىپ، كەتىپ قالماق بولعان. بىراق كۋاگەرلەر وعان مۇمكىندىك بەرمەي، قايتا كولىككە وتىرعىزىپ، پوليتسيا كەلگەنشە ۇستاعان.
قازىرگى ۋاقىتتا قىلمىستىق ءىس قوزعالدى. جۇرگىزۋشىنىڭ نە سەبەپتى ادامدارعا ادەيى سوعىلعانى انىقتالۋدا.