ۋكراينا پرەزيدەنتى ۆلاديمير زەلەنسكي قالالاردى اينالدىرا قورعانىس جۇيەسىن قۇرۋ تۋرالى جارلىققا قول قويدى. قۇجات 26 قازاندا مەملەكەت باسشىسىنىڭ رەسمي سايتىندا جاريالاندى، دەپ حابارلايدى «ادىرنا» ءتىلشىسى.
قۇجاتقا سايكەس، ۋكراينادا قالالاردى جان-جاقتى قورعاۋدى قامتاماسىز ەتۋ ءۇشىن ينجەنەرلىك بوگەتتەر جەلىسى سالىنادى.
«قالالاردىڭ ءتيىستى قورعانىس دەڭگەيىن قامتاماسىز ەتۋ جانە ونى ىسكە اسىرۋ تەتىكتەرىن دامىتۋ جونىندەگى ينجەنەرلىك بوگەتتەر جەلىسىن دامىتۋ شارالارى تۋرالى» ۋكراينا ۇلتتىق قاۋىپسىزدىك جانە قورعانىس كەڭەسىنىڭ شەشىمى قولدانىسقا ەنگىزىلسىن»، – دەلىنگەن جارلىقتا.
الايدا جارلىقتا قورعانىس جۇيەسى قۇرىلاتىن ناقتى ەلدى مەكەندەردىڭ اتاۋى كورسەتىلمەگەن. سونداي-اق ءتيىستى جۇمىستاردىڭ قاي مەرزىمدە اياقتالاتىنى تۋرالى اقپارات جوق.
ۇقساس جاڭالىقتار
