قازاقستاندىق اسكەري قىزمەتشى پاراشيۋتپەن سەكىرۋدى ورىنداۋ بارىسىندا قازا تاپتى، توتەنشە جاعداي 14 قىركۇيەكتە الماتى وبلىسىندا بولدى، دەپ حابارلايدى "ادىرنا" ۇلتتىق پورتالى قر قورعانىس مينيسترلىگىنىڭ ءباسپاسوز قىزمەتىنە سىلتەمە جاساي وتىرىپ.
- 2021 جىلعى 14 قىركۇيەكتە الماتى وبلىسىندا پاراشيۋتپەن سەكىرۋدىڭ جوسپارلى وقۋ-جاتتىعۋ ورىنداۋ كەزىندە قارۋلى كۇشتەردىڭ اسكەري قىزمەتشىسى، 1990 جىلى تۋعان "كاپيتان" شەنى بار اسكەري اتاعى بار وفيتسەر قازا تاپتى. باسقا جەكە مالىمەتتەر تۋىستارىنىڭ ءوتىنىشى بويىنشا جاريا ەتىلمەيدى - دەلىنگەن حابارلامادا.
ۆەدومستۆونىڭ مالىمەتىنشە، قازا تاپقان سارباز بۇعان دەيىن 50-گە جۋىق پاراشيۋتپەن سەكىرۋ تاپسىرمالارىن ورىنداپ، شتاتتان تىس پاراشيۋتپەن قۇتقارۋ توبىنىڭ مۇشەسى بولعان.
- قورعانىس مينيسترلىگىنىڭ باسشىلىعى مەن قارۋلى كۇشتەردىڭ جەكە قۇرامى مارقۇمنىڭ تۋىستارى مەن جاقىندارىنا قايعىرىپ كوڭىل ايتادى. قورعانىس مينيسترلىگى اسكەري قىزمەتشىنىڭ وتباسىنا ءتيىستى كومەك كورسەتۋ بويىنشا قاجەتتى شارالار قابىلدايدى - دەپ تولىقتىردى ۆەدومستۆو.
ءولىم سەبەپتەرى مەن وقيعانىڭ ءمان -جايى انىقتالۋدا.
"ادىرنا" ۇلتتىق پورتالى
