قىزىلوردا وبلىسى ارال اۋدانىندا تۇراتىن رەنات جەتكەرگەنوۆ اسكەرگە ساۋ كەتىپ، ۇيىنە ەسى اۋىسىپ كەلگەن. بۇل تۋرالى “ادىرنا” ۇلتتىق پورتالى استانا تەلەارناسىنا سىلتەمە جاساپ حابارلايدى.
رەناتتىڭ اسكەردەگى دوسى باتىلدىق تانىتىپ، شىن مانىندە اسكەردە نە بولعانىن ايتىپ بەردى.
قازىرگى تاڭدا رەناتتىڭ اسكەردەن وسىنداي كۇيدە كەلۋىنە بايلانىستى قىلمىستىق ءىس قوزعالىپ، تەرگەۋ امالدارى ءجۇرىپ جاتىر.
قر قورعانىس مينيسترلىگى 19 جاستاعى جىگىت اسكەردە زورلىق-زومبىلىق كوردى دەگەنمەن كەلىسپەيدى. باسىندا وقيعاعا قاتىستى پىكىر بىلدىرۋدەن ات-توندارىن الىپ قاشقان اسكەريلەر ەندى جاعدايدى ءتۇسىندىرىپ بەردى.
ەسكە سالساق، بۇعان دەيىن رەناتتىڭ جاقىندارى ۇلدارىنىڭ اسكەردەن ەسىنەن الجاسىپ قايتقانىن ايتىپ، دابىل قاققان.
اسكەردەن قايتۋىنا 8 كۇن قالعاندا رەناتتى ءتورت اسكەري اكەپ تاستاعان. اسكەريلەردىڭ ءبىرى امانگەلدى كوپجاننىڭ ايتۋىنشا، رەناتتىڭ كيىمى ءبۇتىن بولعان، اياعىنا ىڭعايلى بولۋ ءۇشىن جازدىق اياق-كيىم كيگەن. سەبەبى، بۇعان دەيىن ونىڭ جاقىندارى رەناتتى كورگەندە ونى تانىماي قالعاندارىن ايتقان.
اسكەريدىڭ ايتۋىنشا، اكەسى رەناتتىڭ دەنساۋلىعى تۋرالى بىلمەگەن. ونى كۇتىپ الۋعا اعاسى كەلگەن.
– ول جەردە سول كىسىنىڭ اعاسى بولدى باقتيار دەگەن. سول كىسى ايتادى دا: «ءبىر اۋليە بار دەپ. مەن سول اۋليەدەن قوڭىراۋ شالىپ سۇرادىم. سەندەر ونى قاماعانسىڭدار، ۇرعانسىڭدار، سوسىن ەسىنەن الجاستىرىپ جىبەرگەنسىڭدەر» دەيدى. ۇرىپ جىبەرسەك ول جەرگە بارىپ نە قىلامىز؟ – دەدى ديۆيزيون كومانديرىنىڭ تجيج بويىنشا ورىنباسارى امانگەلدى كوپجان.
اقتاۋ قالاسىنداعى 25/744 تەڭىز جاياۋ اسكەرلەرى ءبولىمىنىڭ قىزمەتكەرلەرى «بالانى ۇرمادىق» دەيدى. ءتىپتى ونى دالەلدەۋ ءۇشىن ونى مەديتسينالىق تەكسەرۋگە الىپ بارايىق دەپ ۇسىنىس تا جاساعان. بىراق رەناتتىڭ جاقىندارى وعان قۇلاق اسپاي، ولاردى سۇراق استىنا العان.
بۇعان دەيىن جىگىتتىڭ اسكەرگە قابىلدانعان كەزىندە دەنساۋلىعى جاقسى بولعانى ايتىلعان. ونىڭ اسكەرگە قالاي قابىلدانعانى تۋرالى اۋداندىق قورعانىس ىستەرى
«وبلىستىق كوميسسيانىڭ قورىتىندىسى بويىنشا «ا» بەلگىسىمەن، ياعني جارامدى بولىپ ءوتتى. ءبىرىنشى ساتىداعى جارامدى بالا. پسيحولوگيالىق تەستىلەۋدەن دە جاقسى وتكەن» دەيدى قىزىلوردا وبلىسى ارال اۋداندىق قورعانىس ىستەرى جونىندەگى ءبولىم باسشىسى باۋىرجان قۋاتوۆ.
اسكەري ءبولىم قىزمەتكەرلەرى مەن قورعانىس مينيسترلىگى نە دەسە دە رەناتتىڭ اسكەردە بىرگە بولعان قارۋلاس دوسى مۇلدە باسقاشا مالىمدەمە ايتتى. ونىڭ ايتۋىنشا، رەنات اسكەردەن ۇيگە قايتۋعا ءبىر اپتا قالعاندا كومانديرلەرمەن سوزگە كەلىسىپ قالعان. كەيىن مۇلدە كورىنبەي كەتىپ، تەك قايتاتىن كەزدە پايدا بولعان.
– سوزگە كەلىپ قالعان كۇننەن باستاپ رەناتتى الىپ كەتتى ءبولىمنىڭ سىرتىنداعى كازارماعا. سودان باستاپ رەناتتى ءبىر اپتا كورمەدىك. پويىزدا كورگەن كەزدە رەنات باسقا جاعدايدا بولدى. باياعى ءبىر جىل قىزمەت كەتكەن رەنات جوق. ءتۇرى باسقا، تانىماي قالدىق ونى، – دەيدى رەناتتىڭ اسكەردەگى جولداسى بەكارىس تاڭاتاروۆ.
تۋىستارىنىڭ ايتۋىنشا، اسكەردە ونى 8 كۇن بويى قيناعان. ونى ءتىپتى «ەسى اۋىسقان» رەناتتىڭ ءوزى دە ابايسىزدا ايتىپ قالعان. قۇلاعىن تەسىپ، «ايەل ەتىپ الامىز» دەگەن كورىنەدى.
بۇل جاعدايدى ەستىگەن 19 جاستاعى جىگىتتىڭ اتا-اناسى ءتيىستى ورگاندارعا شاعىم تۇسىرگەن. قازىر تەرگەۋ امالدارى ءجۇرىپ جاتىر.
«قىلمىستىق ءىس اياسىندا ءتيىستى ساراپتامالار جۇرگىزىلىپ رەنات جەتكەرگەنوۆتىڭ تۋىستارىنىڭ بارلىق تۇجىرىمدارى مۇقيات تەكسەرىلەدى. سونداي-اق تەرگەۋدىڭ تولىقتىعى مەن وبەكتيۆتىلىگىن قامتاماسىز ەتۋگە باعىتتالعان باسقا دا تەرگەۋ ءىس-شارالارى جۇرگىزىلەتىن بولادى» دەپ مالىمدەدى قر قك اسكەري پوليتسيا باسقارماسى باسشىسىنىڭ ورىنباسارى بەكەن شىنتىلەۋوۆ.
ەسكە سالساق، بۇعان دەيىن قىزىلوردا وبلىسىندا اسكەردەن كەلگەن 19 جاستاعى جىگىتتىڭ ەسى اۋىسقانى تۋرالى ايتىلعان. بەلگىلى بولعانداي، بۇل اقتاۋداعى 25/744 اسكەري بولىمىندە بولىپ وتىرعان ءبىرىنشى جاعداي ەمەس.
https://youtu.be/fHR2drWtWWY“ادىرنا” ۇلتتىق پورتالى
