قازاقستان تاراپى ءنوۆوسىبىر مەملەكەتتىك ۋنيۆەرسيتەتىنىڭ (نمۋ) الماتىداعى فيليالىن اشۋ جوباسىن ۋاقىتشا توقتاتۋدى سۇرادى، دەپ حابارلايدى “ادىرنا” ۇلتتىق پورتالى Orda.kz-كە سىلتەپ.
نمۋ رەكتورى ميحايل فەدورۋك تاسس اگەنتتىگىنە بەرگەن سۇحباتىندا بۇل باستامادان تۇبەگەيلى باس تارتىلماعانىن ايتتى.
«فيليال اشۋدى ەڭ الدىمەن قازاقستاننان شىققان ءبىزدىڭ تۇلەكتەر قولداعان ەدى. بىراق ازىرگە ول جوبانى، نەگىزىنەن، قازاقستان تاراپىنىڭ ءوتىنىشى بويىنشا توقتاتا تۇرۋعا تۋرا كەلدى»، – دەدى ول.
ايتا كەتەيىك، اتالمىش جوو-نىڭ فيليالىن ءال-فارابي اتىنداعى قازاق ۇلتتىق ۋنيۆەرسيتەتىنىڭ بازاسىندا اشىلادى دەپ جوسپارلانعان بولاتىن. وقۋ ورنىندا جاراتىلىستانۋ باعىتى بويىنشا جيىرمادان استام ماماندىق وقىتىلۋى ءتيىس ەدى. ولاردىڭ قاتارىندا مۇناي-گاز جۇيەلەرىن مودەلدەۋ، بيوينفورماتيكا، يادرولىق مەديتسينا، مۇناي-گاز جانە تاۋ-كەن سالاسىنداعى گەوفيزيكا بار.
بۇل جوبا ۋاقىتشا كەيىنگە قالدىرىلعانىمەن، استانادا رەسەيدىڭ مگيمو ۋنيۆەرسيتەتىنىڭ فيليالى اشىلدى.
