ۋكراينا قارۋلى كۇشتەرى رەسەيدىڭ ەكى اەرودرومىنا سوققى جاسادى

855
Adyrna.kz Telegram
https://adyrna.kz/content/uploads/2025/06/photo-output-1-960x500.png?token=a1168e025eafac138189fb706614866d
ۋكراينانىڭ قارۋلى كۇشتەرى ساراتوۆ جانە ريازان وبلىستارىنداعى ماڭىزدى اسكەري نىساندارعا سوققى بەردى، دەپ حابارلايدى “ادىرنا” ۇلتتىق پورتالى. اسكەري ۆەدومستۆونىڭ مالىمەتىنشە، ۋكراينا كۇشتەرى اۋە شابۋىلىنا دايىندىق اياسىندا “الدىن الا سوققى” جاساعان.
 “قارسىلاستىڭ اۆياتسياسى شوعىرلانعان اەرودرومدار مەن وزگە دە ماڭىزدى اسكەري نىساندار كوزدەگەن باعىتتا جويىلدى”، – دەلىنگەن حابارلامادا.
ساراتوۆ وبلىسىنداعى ەنگەلس اەرودرومىندا جانار-جاعارمايعا ارنالعان كەمىندە ءۇش رەزەرۆۋارعا ءدال تيگەندىگى جانە سونىڭ سالدارىنان ءىرى ءورت شىققانى حابارلاندى. بۇل اەرودرومدا “ورمەك” وپەراتسياسىنان كەيىن رەسەي اسكەري اۆياتسياسىنىڭ ءبىر بولىگى شوعىرلانعان. ال دياگيلەۆو اەرودرومىندا ءورت تۇتانىپ، سوققىنىڭ ناقتى سالدارى انىقتالۋدا. مۇندا ستراتەگيالىق بومبالاۋشىلار، جانارمايمەن قامتاماسىز ەتەتىن ۇشاقتار جانە زىمىران سوققىلارىن قولدايتىن جويعىشتار ورنالاسقان. ال رەسەي قورعانىس مينيسترلىگىنىڭ حابارلاۋىنشا، ءدال سول ءتۇنى رەسەيدىڭ 12 ايماعىندا، سونىڭ ىشىندە ساراتوۆ، ريازان وبلىستارى مەن قىرىمدا، بارلىعى 174 ۋكراينالىق درون اتىپ تۇسىرىلگەن. ساراتوۆ وبلىسىنىڭ گۋبەرناتورى رومان بۋسارگين ەنگەلس قالاسىندا ۋكراينالىق درونداردىڭ تۇرعىن ءۇي كەشەنىنە سوعىلعانىن جانە قالاداعى ونەركاسىپ نىساندارىنىڭ ءبىرى ورتەنگەنىن مالىمدەدى. ال ريازان وبلىسىنىڭ باسشىسى پاۆەل مالكوۆ تۇندە بىرنەشە دروننىڭ اتىپ تۇسىرىلگەنىن، بىراق زارداپ شەككەندەر جوق ەكەنىن حابارلادى.
پىكىرلەر