Prokýrorlar Mańǵystaý oblysyndaǵy mektepterde jalǵan dıplom paıdalanýdyń toǵyz deregin anyqtady, dep habarlaıdy “Adyrna” ulttyq portaly.
Mysaly, Qaraqııa aýdanyndaǵy Aqqudyq orta mektebinde eńbek pániniń muǵalimi jalǵan dıplommen jumys istegen. Ol Qazaqstan Respýblıkasy Qylmystyq kodeksiniń 385-babynyń 3-bóligi ("Kórineý jalǵan qujat paıdalaný") boıynsha qylmystyq jaýapkershilikke tartylǵan.
"Uqsas derekter Aqtaý qalasyndaǵy eki mektepte (qazaq tili men qazaq ádebıeti), Jańaózen qalasyndaǵy úsh mektepte (orys tili, bastaýysh synyp muǵalimi), Munaıly aýdanyndaǵy eki mektepte (bastaýysh synyp muǵalimderi), Beıneý aýdanyndaǵy bir mektepte (bastaýysh synyp muǵalimi) anyqtaldy. Olarǵa qatysty sotaldy tergeý amaldary bastaldy", - delingen habarlamada.
”Adyrna” ulttyq portaly
