پروكۋرورلار ماڭعىستاۋ وبلىسىنداعى مەكتەپتەردە جالعان ديپلوم پايدالانۋدىڭ توعىز دەرەگىن انىقتادى، دەپ حابارلايدى “ادىرنا” ۇلتتىق پورتالى.
مىسالى، قاراقيا اۋدانىنداعى اققۇدىق ورتا مەكتەبىندە ەڭبەك ءپانىنىڭ مۇعالىمى جالعان ديپلوممەن جۇمىس ىستەگەن. ول قازاقستان رەسپۋبليكاسى قىلمىستىق كودەكسىنىڭ 385-بابىنىڭ 3-بولىگى ("كورىنەۋ جالعان قۇجات پايدالانۋ") بويىنشا قىلمىستىق جاۋاپكەرشىلىككە تارتىلعان.
"ۇقساس دەرەكتەر اقتاۋ قالاسىنداعى ەكى مەكتەپتە (قازاق ءتىلى مەن قازاق ادەبيەتى), جاڭاوزەن قالاسىنداعى ءۇش مەكتەپتە (ورىس ءتىلى، باستاۋىش سىنىپ مۇعالىمى), مۇنايلى اۋدانىنداعى ەكى مەكتەپتە (باستاۋىش سىنىپ مۇعالىمدەرى), بەينەۋ اۋدانىنداعى ءبىر مەكتەپتە (باستاۋىش سىنىپ مۇعالىمى) انىقتالدى. ولارعا قاتىستى سوتالدى تەرگەۋ امالدارى باستالدى", - دەلىنگەن حابارلامادا.
”ادىرنا” ۇلتتىق پورتالى
