قازاقستاندىق TrustExam.ai تەحنولوگيالىق جوباسى ADIPEC 2026 حالىقارالىق ەنەرگەتيكالىق كورمەسى مەن كونفەرەنتسياسىندا مۇناي-گاز كومپانيالارى قىزمەتكەرلەرى مەن مەردىگەرلەرىنىڭ ءبىلىمىن قاشىقتان تەكسەرۋگە ارنالعان پلاتفورماسىن تانىستىردى. ءىس-شارا 2–5 قاراشا ارالىعىندا بىرىككەن اراب امىرلىكتەرىنىڭ ابۋ-دابي قالاسىنداعى ADNEC Centre Abu Dhabi كورمە ورتالىعىندا ءوتىپ جاتىر.
شەشىم كاسىپورىندارعا دەنساۋلىقتى قورعاۋ، ەڭبەك قاۋىپسىزدىگى جانە قورشاعان ورتانى قورعاۋ (HSE) سالاسىنداعى ءبىلىمدى جۇيەلى تۇردە تەكسەرۋدى ۇيىمداستىرۋعا كومەكتەسەدى. پلاتفورما ءارتۇرلى وندىرىستىك نىسانداردىڭ قىزمەتكەرلەرىمەن، اۋىسىمدىق بريگادالارمەن جانە مەردىگەر ۇيىمدارمەن جۇمىس ىستەۋگە بەيىمدەلگەن.
TrustExam وقۋدان كەيىن، وندىرىستىك نۇسقاۋلىقتار جاڭارتىلعاندا نەمەسە قىزمەتكەرلەردىڭ دايارلىعىنداعى ولقىلىقتار انىقتالعاندا ونلاين-تەستىلەۋ وتكىزۋگە مۇمكىندىك بەرەدى. تەكسەرۋ ناتيجەلەرى بويىنشا ماماندار قوسىمشا نازار اۋدارۋدى قاجەت ەتەتىن تاقىرىپتاردى انىقتاپ، ناقتى قاجەتتىلىكتەرگە ساي وقىتۋدى ۇيىمداستىرا جانە قىزمەتكەرلەردىڭ ءبىلىمىن قايتا باعالاي الادى. تەستىلەۋدىڭ مازمۇنى مەن جيىلىگىن كاسىپورىن ءوز راسىمدەرى مەن مىندەتتەرىن ەسكەرە وتىرىپ بەلگىلەيدى.
پلاتفورما تەستىلەۋدى، بيومەتريالىق سايكەستەندىرۋدى جانە جاساندى ينتەللەكتكە نەگىزدەلگەن پروكتورينگتى بىرىكتىرەدى. پروكتورينگ ەمتيحان ەرەجەلەرىنىڭ ساقتالۋىن باقىلاۋعا ارنالعان. بيومەتريا تەستتى ءتيىستى قىزمەتكەردىڭ ءوزى تاپسىرىپ جاتقانىن راستاۋعا كومەكتەسەدى. جاساندى ينتەللەكت تەستىلەۋ بارىسىندا بوگدە ادامنىڭ كومەگىن پايدالانۋ نەمەسە باسقا دا ەرەجە بۇزۋشىلىقتار بولۋى مۇمكىن ەكەنىن كورسەتەتىن وقيعالاردى بەلگىلەپ، ۋاكىلەتتى ماماندارعا قاراۋ ءۇشىن ءتيىستى ماتەريالداردى ۇسىنادى.
بۇل ءتاسىل قىزمەتكەرلەردى ءبىر ەمتيحان ورتالىعىنا جيناماي-اق، ءارتۇرلى نىساندار مەن اۋىسىمدار ءۇشىن ءبىلىمدى تەكسەرۋدى ۇيىمداستىرۋعا مۇمكىندىك بەرەدى. ۇيىم بىلىمدەگى ولقىلىقتار مەن قايتا وقىتۋ ناتيجەلەرى تۋرالى دەرەكتەردى، سونداي-اق قىزمەتكەردىڭ تەستتى ءوز بەتىنشە تاپسىرعانىن باعالاۋعا ارنالعان ماتەريالداردى الادى. تەوريالىق ءبىلىمدى تەكسەرۋ كاسىپورىنداعى پراكتيكالىق دايارلىق پەن جۇمىسقا جىبەرۋ راسىمدەرىن تولىقتىرادى.
TrustExam كومانداسىنىڭ مالىمەتىنشە، ەنەرگەتيكا سالاسىنداعى باعدارلامالاردىڭ بىرىندە پلاتفورما ارقىلى شامامەن 50 مىڭ تەستىلەۋ وتكىزىلگەن.
مۇنداي تەحنولوگيالىق شەشىمدەردى دامىتۋ قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ ايقىنداعان ەكونوميكانى اۋقىمدى تسيفرلاندىرۋ، نەگىزگى سالالارعا جاساندى ينتەللەكتىنى ەنگىزۋ جانە وتاندىق IT-ازىرلەمەلەردى قولداۋ باسىمدىقتارىنا سايكەس كەلەدى.
مەملەكەت باسشىسى يننوۆاتسيالىق جوبالاردى دامىتۋدىڭ جانە قازاقستاندىق تەحنولوگيالاردىڭ حالىقارالىق نارىقتاعى باسەكەگە قابىلەتتىلىگىن ارتتىرۋدىڭ ماڭىزدىلىعىن بىرنەشە رەت اتاپ وتكەن بولاتىن.
TrustExam.ai جوباسىنىڭ ەنەرگەتيكا سالاسىنداعى الەمدەگى ەڭ ءىرى حالىقارالىق الاڭداردىڭ بىرىندە تانىستىرىلۋى وتاندىق ازىرلەمەلەردىڭ الەۋەتىن جانە ولاردىڭ حالىقارالىق دەڭگەيگە شىعۋ مۇمكىندىكتەرىن كورسەتەدى.
TrustExam.ai تۋرالى
TrustExam.ai — ەمتيحان وتكىزۋگە جانە ونىڭ ناتيجەلەرىنىڭ سەنىمدىلىگىن جاساندى ينتەللەكت كومەگىمەن باقىلاۋعا ارنالعان پلاتفورما ازىرلەيتىن قازاقستاندىق تەحنولوگيالىق كومپانيا. پلاتفورمانى مەملەكەتتىك ۇيىمدار، ءبىلىم بەرۋ مەكەمەلەرى جانە كورپوراتيۆتىك تاپسىرىس بەرۋشىلەر پايدالانادى. كومپانيا ءباا-دە، ۇلىبريتانيادا، اقش-تا، كانادادا جانە تمد ەلدەرىندە جۇمىس ىستەيدى.
كومپانيا مالىمەتىنشە، پلاتفورمادا 7 ميلليوننان استام ەمتيحان وتكىزىلگەن. TrustExam Astana Hub Battle 2025 بايقاۋىندا Exponential Growth نوميناتسياسى بويىنشا، ال AI SANA Generative Nation ۇلتتىق بايقاۋىندا Best Startup AI Project نوميناتسياسى بويىنشا جەڭىمپاز اتاندى.
