اقش پرەزيدەنتى دونالد ترامپ امەريكالىق اسكەري كۇشتەر وتكەن ءتۇنى يراننىڭ اۋە شابۋىلىنا قارسى قورعانىس (اشقق) نىسانىنا سوققى جاساعانىن ايتتى، دەپ حابارلايدى "ادىرنا" ۇلتتىق پورتالى.
ونىڭ ايتۋىنشا، وپەراتسيا شەكتەۋلى سيپاتتا بولعان جانە اسكەري قاقتىعىستىڭ اۋقىمدى تۇردە ءورشۋىن بىلدىرمەيدى.
ترامپتىڭ سوزىنشە، يران اتالعان نىساندى سالۋعا شامامەن ەكى اي جۇمساعان. اقش بۇل ۋاقىت ىشىندە قۇرىلىس بارىسىن باقىلاپ وتىرعان. نىساننىڭ قۇرىلىسى اياقتالعان بويدا امەريكالىق اسكەريلەر وعان سوققى بەرىپ، جويعان. بۇل تۋرالى اقش پرەزيدەنتى Fox News ارناسىنا بەرگەن تۇسىنىكتەمەسىندە ايتتى.
ترامپ بۇعان دەيىنگى امەريكالىق سوققىلاردان كەيىن يراننىڭ قولدانىستاعى اسكەري ۇشاقتارى مەن اۋە شابۋىلىنا قارسى قورعانىس جۇيەلەرى قالماعانىن ايتتى.
الايدا بۇل مالىمدەمەلەرگە قاتىستى اقش پەن يران تاراپىنان كەلتىرىلگەن اقپاراتتى تاۋەلسىز دەرەككوزدەر تولىق راستاعان جوق
