فوتو جي كومەگىمەن جاسالعان
اقتاۋداعى جەكەمەنشىك Tulpar School مەكتەبىندە بولعان جانجال الەۋمەتتىك جەلىدە قىزۋ تالقىلانىپ جاتىر. وقيعاعا قاتىستى ماڭعىستاۋ وبلىسىنىڭ ءبىلىم باسقارماسى تۇسىنىكتەمە بەردى، دەپ حابارلايدى “ادىرنا”.
ۆەدومستۆونىڭ مالىمەتىنشە، وقيعا 16 قازاندا بولعان. مەكتەپ قىزمەتكەرى ەدەن جۋشىدان ديرەكتوردىڭ كابينەتىن تازالاۋدى سۇراعان. الايدا ول تاپسىرمانى ورىنداۋدان باس تارتىپ، دورەكى سويلەگەننەن كەيىن كابينەتتەن شىعىپ كەتكەن.
بۇعان اشۋلانعان مەكتەپ قىزمەتكەرى ەدەن جۋشىنىڭ شەلەگىن اياعىمەن تەۋىپ، ىشىندەگى سۋدى توگىپ تاستاعان. وقيعا تۇسىرىلگەن ۆيدەو كەيىن الەۋمەتتىك جەلىلەردە تاراعان.
تەكسەرۋ بارىسىندا جانجالعا قاتىسقان ايەلدىڭ مەكتەپتە قوسىمشا فاكۋلتاتيۆ ساباقتارىن دا وتكىزگەنى انىقتالعان. پەداگوگيكالىق ادەپ تالاپتارىن بۇزعانى ءۇشىن ونىمەن جاسالعان ەڭبەك شارتى توقتاتىلعان.
ايتا كەتەيىك، الەۋمەتتىك جەلىلەردە جۇمىستان شىعارىلعان قىزمەتكەردىڭ ليتسەي ديرەكتورى حالەف چەليكتىڭ جۇبايى ەكەنى تۋرالى اقپارات تارادى. الايدا بۇل مالىمەت ازىرگە رەسمي تۇردە راستالعان جوق.
