Memleket basşysy Qasym-Jomart Toqaev Qazaqstannyŋ eŋbek sıŋırgen qairatkerı, belgılı änşı Nūrlan Önerbaevty 65 jasqa tolǧan mereitoiymen qūttyqtady, dep habarlaidy "Adyrna" ūlttyq portaly.
Prezident öner iesınıŋ qazaq muzykasyn damytuǧa jäne ūlttyq mädeni mūrany nasihattauǧa qosqan ülesın atap öttı.
Prezidenttıŋ qūttyqtau hatyn mädeniet jäne aqparat ministrı Arman Qyryqbaev Astanada ötken kezdesu barysynda änşıge tabystady.
Qūttyqtau hatynda Memleket basşysy Nūrlan Önerbaevtyŋ özındık oryndauşylyq mänerı men qoŋyr dauysy tyŋdarmannyŋ yqylasyna bölengenın atap ötken.
«Özıŋızge tän qoŋyr dauysyŋyz ben erekşe oryndauşylyq mänerıŋız talǧampaz tyŋdarmannyŋ jüregınen oryn aldy. Sız dästür sabaqtastyǧyn saqtap, halyq änderı men belgılı kompozitorlardyŋ taŋdauly tuyndylaryn nasihattauǧa mol üles qosyp kelesız. Izdenıske toly şyǧarmaşylyq jolyŋyz jemıstı bolyp, talantty şäkırtter tärbieledıŋız», – delıngen Prezidenttıŋ qūttyqtauynda.
Sondai-aq Qasym-Jomart Toqaev änşınıŋ ūlttyq önerdı därıpteu men jas talanttardy tärbieleu jolyndaǧy eŋbegıne joǧary baǧa berdı.
Memleket basşysy mereitoi iesıne zor densaulyq, otbasyna amandyq pen baq-bereke tılep, elımızdıŋ ruhani-mädeni mūrasyn baiytu jolyndaǧy şyǧarmaşylyq qyzmetıne tabys tıledı.
