Memleket basshysy sáýletshi Jandarbek Málibekulyn mereıtoıymen quttyqtady Bul týraly Prezıdenttiń baspasóz hatshysy Berik Ýálı Facebook paraqshasyna jarııalady, dep habarlaıdy “Adyrna” ulttyq portaly.
Bıyl - Qazaqstannyń memlekettik rámizderiniń bekitilgenine 30 jyl. Al búgin Qazaqstan Respýblıkasy Memlekettik Eltańbasynyń avtory, qoǵam qaıratkeri, belgili sáýletshi Jandarbek Málibekuly 80 jasqa tolyp otyr.
“Prezıdent Qasym-Jomart Toqaev Jandarbek Málibekulynyń mereıtoıymen quttyqtap, jyly lebizi men izgi tilegin jetkizdi. Memleket basshysy óz quttyqtaýynda Eltańba avtorynyń Táýelsiz Qazaqstan men elordany qurý jáne damytý isindegi sińirgen eńbegin atap ótip, oǵan zor densaýlyq, shyǵarmashylyq shabyt jáne otbasyna baq-bereke tiledi”,-delingen jazbada.
Aıta keteıik, Naýryz meıramy qarsańynda Qasym-Jomart Toqaev Jandarbek Málibekulyn I dárejeli «Barys» ordenimen marapattaǵan bolatyn.
“Adyrna” ulttyq portaly
