Reseıdiń federaldy qaýipsizdik qyzmeti Sahalın aımaǵyndaǵy shekarany kesip ótpek bolǵan reseılik turǵyndy tutqyndady. Oǵan Ýkraına múddesi jolynda urysqa attanyp, "memleketke satqyndyq jasady" degen aıyp taǵyldy, dep habarlaıdy "Adyrna" ulttyq portaly.
Aımaqtaǵy shekara qyzmeti mamandarynyń habarlaýynsha, Sahalındegi shekaradan ótpek bolǵan reseılik azamat "memleketke satqyndyq" jasaýǵa bekingen. Tergeý barysynda Reseı turǵynynyń Ýkraına jaǵyna shyǵyp, basqynshylarǵa qarsy soǵysqa attanýdy maqsat etkeni habarlanady.
"Reseı Federaııasynyń Sahalın oblysy boıynsha shekara qyzmetkerleri ÝFSB-men birlese otyryp Ýkraına aýmaǵyna ótpek bolǵan azamatty ustady. Ol Reseı Federaııasy qarýly kúshterine qarsy soǵys qımyldaryna qatysý úshin ýkraın áskeriniń qataryna qosylǵysy kelgen", — dep habarlaıdy FSB.
Sonymen qatar, shekara qyzmeti "otanyna opasyzdyq jasaýǵa" oqtalǵan reseıliktiń tranzıt ádisimen úshinshi bir elge shyǵyp, Ýkraına topyraǵyna tuıaq iliktirmek bolǵanyn málimdedi. Ony tutqyndaý barysyn baıandaıtyn vıdeoda ushaq talonynyń bolǵany da kórsetiledi.
"Adyrna" ulttyq portaly
