14 jeltoqsanda Berlinde ötken Ukraina men AQŞ delegasiialary arasyndaǧy kelıssöz bes saǧattan astam uaqytqa sozyldy. Būl turaly Reuters agenttıgı jazdy, dep habarlaidy «Adyrna» tılşısı.
Ukraina prezidentınıŋ keŋesşısı Dmitrii Litvinnıŋ aituynşa, taraptar jūmysty 15 jeltoqsan künı taŋerteŋ jalǧastyruǧa kelısken. Sondai-aq ol kelıssözder aiaqtalǧan soŋ prezident Vladimir Zelenskii būl mäsele boiynşa pıkır bıldıretının naqtylady.
Kezdesuge Ukraina prezidentı Vladimir Zelenskii, AQŞ prezidentınıŋ arnaiy ökılı Stiv Uitkoff jäne Donald Tramptyŋ küieu balasy Djared Kuşner qatysty. Taraptar 20 tarmaqtan tūratyn beibıtşılık josparynyŋ mazmūnyn talqylaǧan.
Kelıssözder qorytyndysy boiynşa Stiv Uitkoff aitarlyqtai ılgerıleu bolǧanyn mälımdedı. Onyŋ aituynşa, taraptar beibıt retteuge arnalǧan 20 tarmaqty jospar, ekonomikalyq mäseleler jäne özge de taqyryptar boiynşa jan-jaqty pıkır almasqan.
«Eleulı progreske qol jetkızıldı, taraptar erteŋ taŋerteŋ qaita kezdesedı», — dep jazdy ol 14 jeltoqsanda X äleumettık jelısınde.
Zelenskiidıŋ mälımdeuınşe, kelıssözder «beibıtşılıktıŋ ırgetasyna» jäne Resei men Ukraina arasyndaǧy qaqtyǧysty beibıt jolmen retteuge arnalmaq.
Aita keteiık, 2 jeltoqsanda Stiv Uitkoff pen Djared Kuşner Resei prezidentı Vladimir Putinmen Kremlde kelıssözder jürgızgen bolatyn.
