Keŋestıŋ jūmysyna memlekettık organdardyŋ basşylary, ädep jönındegı uäkılder, būqaralyq aqparat qūraldarynyŋ ökılderı qatysty.
Osylaişa, kün tärtıbıne säikes, memlekettık qyzmet salasyndaǧy zaŋnama jäne qyzmettık ädep talaptarynyŋ saqtaluy mäselesı boiynşa Şyŋǧyrlau audany äkımı M. Ömırälievtıŋ esebı tyŋdalyp, zaŋnama būzuşylyqtarynyŋ aldyn alu şaralary turaly baiandady.
Sondai-aq, Batys Qazaqstan oblysy boiynşa bäsekelestıktı qorǧau jäne damytu departamentınıŋ ädep jönındegı uäkılı qyzmettık ädeptı saqtau monitoringı men baqylau jūmystarynyŋ nätijelerı turaly esep berdı.
Sonymen qatar, ortalyq memlekettık organdardyŋ aumaqtyq bölımşelerı men jergılıktı atqaruşy organdarda ötkızılgen
bos memlekettık äkımşılık lauazymdarǧa ornalasu konkurstarynyŋ taldau nätijelerı qaraldy.
Konkurstardyŋ basym bölıgı aşyq jäne meritokratiia qaǧidattaryna sai ötkızılgenımen, derbes memlekettık organdarda äŋgımelesu kezeŋderınde ūiymdastyruşylyq sipattaǧy kemşılıkter oryn alǧan.
Būl rette, kandidattardyŋ käsıbi jäne tūlǧalyq qasietterın baǧalau kezınde obektivtılık pen aşyqtyqty qamtamasyz
etu qajettıgıne nazar audaryldy.
«Memlekettık qyzmetke ırıkteu prosesı aşyq ärı ädıl
boluy – memlekettık apparattyŋ tiımdılıgı men qoǧamnyŋ senımın arttyrudyŋ basty faktory. Sondyqtan konkurstyq komissiialardyŋ jauapkerşılıgı men käsıbilıgı joǧary deŋgeide saqtaluy tiıs», – dedı Ädep jönındegı keŋestıŋ töraǧasy M. Baisalov.
Būdan bölek, 2025 jylǧy 3-toqsannyŋ qorytyndylary boiynşa ortalyq memlekettık organdardyŋ aumaqtyq bölımşelerı men jergılıktı atqaruşy organdardyŋ tärtıptık praktikasyn taldau nätijelerı qaraldy.
Osylaişa, derbes memlekettık organdarda profilaktikalyq-tüsındıru jūmystarynyŋ jetkılıksızdıgı, sondai-aq basşylyq qūram tarapynan qyzmetşılerdıŋ tärtıbın baqylau tetıkterınıŋ älsızdıgı baiqaldy.
Departamentpen qabyldanǧan şaralardyŋ nätijesınde 3 memlekettık qyzmetşıge zaŋnama talaptary būzyla otyryp qabyldanǧan tärtıptık jaza qoldanu turaly aktılerdıŋ küşı joiylyp, būzylǧan zaŋdy qūqyqtary qalpyna keltırıldı.
Keŋestıŋ müşelerı taldau nätijelerın nazarǧa alyp, memlekettık organdarǧa qyzmettık tärtıp pen ädep normalaryn saqtau boiynşa naqty şaralar qabyldau, sondai-aq tärtıptık täjıribenı jüielı türde baǧalap otyru jönınde ūsynymdar äzırledı.
Soǧan qosa, qyzmettık ädep talaptaryn saqtamau faktısı boiynşa Bäiterek jäne Terektı audandary äkımdıkterınıŋ lauazymdy tūlǧalaryna qatysty tärtıptık ıs materialdary qaralyp, Keŋespen tiıstı tärtıptık jazany qoldanu turaly şeşım qabyldandy.
Ädep jönındegı keŋestıŋ töraǧasy Mūrat Baisalov öz sözınde memlekettık qyzmetşılerdıŋ käsıbi etikasyn saqtau, adaldyq qaǧidattaryn ūstanu jäne qoǧamnyŋ memlekettık apparatqa degen senımın nyǧaitu qajettıgın atap öttı.
«Ädep kodeksınıŋ normalary – ärbır memlekettık qyzmetşınıŋ kündelıktı qyzmetınde basşylyqqa alatyn negızgı qaǧidattary. Būl qaǧidalardy saqtau – qoǧamnyŋ memleketke degen senımın arttyrudyŋ basty kepılı», – dedı Keŋestıŋ töraǧasy.
Otyrystyŋ qorytyndysy boiynşa tiıstı ūsynymdar qabyldanyp, memlekettık organdarǧa naqty tapsyrmalar berıldı. Keŋestıŋ müşelerı ūsynystardy oryndau barysynda qyzmettık tärtıptı nyǧaitu men ädep mädenietın arttyrudyŋ maŋyzdylyǧyna erekşe toqtaldy.
