Batys Qazaqstan oblysynda kommunaldyq infraqūrylymdy jaŋǧyrtu jūmystary jalǧasuda. Oral qalasynda №29 kärız sorǧy stansiiasyn qaita jaŋartqannan keiın 50 myŋ tūrǧyn tūraqty su būru jüiesımen qamtylsa, 10 myŋnan astam adam tūraqty jylumen qamtamasyz etıledı. Sondai-aq 165 şaqyrym elektr jelısın jaŋartu josparlanyp jatyr. Būl turaly BAQ ökılderıne arnalǧan baspasöz tury barysynda aityldy, şara aiasynda 4 negızgı joba körsetıldı.
Negızgı nysandardyŋ bırı qūny 1,8 mlrd teŋge bolatyn № 29 kärızdık sorǧy stansiiasyn qaita qūru. Joba aiaqtalǧannan keiın 50 myŋ tūrǧyn jäne 39 äleumettık nysan tūraqty su būrumen qamtamasyz etıledı. Būdan basqa, jaŋa abonentterdı qosu mümkındıgı paida bolady. Qazırgı kezde stansiianyŋ jaŋa ǧimaratynyŋ salynyp jatyr.
Oblys ortalyǧynda qalanyŋ negızgı jylu jelılerınıŋ bırı – JM-7 magistralın qaita qūru jūmystary jalǧasuda. Joba aiasynda 1,8 şaqyrymǧa juyq qūbyr auystyrylady. Būl jelıler kürdelı jöndeusız 35 jyldan astam uaqyt boiy paidalanylyp kelgen. Jobanyŋ qūny 2,6 mlrd teŋge. Nätijesınde 130 köppäterlı tūrǧyn üi (10,1 myŋ tūrǧyn) men 24 äleumettık nysan tūraqty jylumen qamtamasyz etıledı.
Zaşaǧan kentınde quaty 4 MVt «Sanşkola» qazandyǧyn jaŋǧyrtu jūmystary aiaqtaldy. Qūny 229,3 mln teŋgenı qūraityn nysan ötken jylytu mausymynda ekı mekteptı, polisiia bölımın jäne «Qazaqtelekom» AQ filialyn tūraqty jylumen qamtamasyz ettı.
Sonymen qatar, elektr jelılerın qaita qūru jobasy oblystyŋ 6 audanynda jäne 31 eldı mekende ıske asyryluda. Jeke joba aiasynda Oralda qūny 3,5 mlrd teŋge bolatyn 165 km 0,4 kV äue jelısın auystyru josparlanǧan. Būl elektrmen jabdyqtaudyŋ senımdılıgın arttyryp, qala boiynşa jelılerdıŋ tozuyn 5%-ǧa jäne oblys boiynşa 1,13%-ǧa tömendetuge mümkındık beredı.
Mäselen, 1962 jyldan berı paidalanylyp kele jatqan jäne kürdelı jöndeu körmegen Krugloozernoe kentındegı elektr jelılerın jaŋǧyrtu josparlanuda. Būl şara 700-ge juyq abonenttı qamtyp, olardy tūraqty elektr quatymen qamtamasyz etedı. Qaita qūruǧa deiın būl uchaskede jyl saiyn 25-ke juyq öşıru tırkelgen.
Aita keteiık, 2026 jyly Batys Qazaqstan oblysynda EKSJ Ūlttyq jobasy aiasynda kommunaldyq infraqūrylymdy jaŋǧyrtu boiynşa 10 joba jüzege asyryluda. Onyŋ ışınde 1113 km elektr jelısı men 2 qosalqy stansiiany qaita jaŋartu közdelgen. Jobalardyŋ jalpy qūny 16,5 mlrd teŋge, onyŋ ışınde biyl 4,7 mlrd teŋge kölemınde qarjylandyru qarastyrylǧan. Jobalardy Oral qalasy men 74 auyldyq eldı mekende ıske asyru josparlanǧan.
Jalpy öŋır boiynşa injenerlık infraqūrylymdy jaŋǧyrtu jobalary aiasynda 509 km elektr jelısın, 12,4 km jylu jelısın jäne 5,6 km su qūbyry jelısın qaita jaŋartu közdelgen.
