Tamyz aıynyń sońynda Batys Qazaqstan oblysynyń ákiminiń ókimimen Qoǵamdyq damý basqarmasyna Gúljanar Shókeeva basshy bolyp taǵaıyndalǵan edi. Oblystyń ıdeologııalyq jumystaryn júıeli júrgizý úshin qyzmetke kelgen sol sý jańa basshy jumysyn ózine kreslo satyp alýdan bastady, — dep habarlaıdy Adyrna ulttyq portaly gaszakup.qov.kz portalyna silteme jasap.
Batys Qazaqstan oblysy Qoǵamdyq damý basqarmasy 11 qyrkúıek kúni jańa basshyǵa arnalǵan jańa kreslo satyp alý úshin tender jarııalaǵan. Gúljanar Bolatqyzy burynǵy basshynyń taǵyn qomsyndy ma, áıteýir ózine arnalǵan kresloǵa memleket bıýdjetinen 200 000 teńge bólgizipti.
Tender jeńimpazy 19 qyrkúıekte anyqtalady.
Gúljanar Bolatqyzy 1967 jyly Batys Qazaqstan oblysy Jánibek aýdany Talov aýylynda dúnıege kelgen. Bilimi – joǵary.
Almaty qalasynyń jáne Aqmola oblysynyń Ishki saıasat, Mádenıet mınıstrliginiń Qoǵamdyq jumys departamenti, Qazaqstan halqy Assambleıasy, Prezıdent janyndaǵy memlekettik basqarý akademııasy (BQO boıynsha fılıaly), sondaı-aq «Qazaqstannyń Azamattyq Alıansy» zańdy tulǵalar birlestigi sekildi aty dardaı memlekettik mekemelerde qyzmet atqarǵan.
Osyndaı tájirıbeli maman jumystyń "bissimillásin" jańa kreslo alýdan bastaǵany qalaı?
Bul suraq Gúljanar Shókeevanyń ózine de joldandy. Resmı hatqa jaýap kelip jatsa, qosymsha jarııalanady.
Qanat Birlikuly
"Adyrna" ulttyq portaly
