Batys Qazaqstan oblysyndaǧy auylda on bır jastaǧy oquşy abaisyzda özın-özı atyp öltırdı, dep habarlaidy «Adyrna» ūlttyq portaly Sputnik Qazaqstan saityna sılteme jasap.
Tragediia 16 şıldede Bökeiorda audanynyŋ Bisen auylynda boldy, dep habarlady audan äkımdıgı.
«Otbasynyŋ tūrmysy jaqsy. Otaǧasy şarua qojalyǧymen ainalysady, tört balany tärbielep otyr. Qaiǧyly jaǧdai däl qalai bolǧanyn bız aita almaimyz», - dep tüsınıkteme berdı Bökeiorda audany äkımdıgınıŋ ökılı.Densaulyq saqtau basqarmasynyŋ baspasöz qyzmetı oq balanyŋ moinyna tigenın atap öttı. Būl uaqytta ata-anasy üide bolmaǧan. Bala jedel järdem kelgenge deiın köz jūmdy, dep habarlady densaulyq saqtau basqarmasynyŋ baspasöz qyzmetı. Biyl oquşy 6-synypty aiaqtaǧan. Būǧan deiın poliseiler qaru-jaraqty qoldanu erejesın eske salǧan: qarudy oqtap qoiuǧa bolmaidy, ony eşqaşan adamǧa kezenbeŋız, oq atatyn oiyŋyz bolmasa, myltyqtyŋ tartpasyna sausaǧyŋyzdy tigızbeŋız, balalardan aulaq ūstaŋyz.
"Adyrna" ūlttyq portaly
Ūqsas jaŋalyqtar
