باتىس قازاقستان وبلىسىنداعى اۋىلدا ون ءبىر جاستاعى وقۋشى ابايسىزدا ءوزىن-ءوزى اتىپ ءولتىردى، دەپ حابارلايدى «ادىرنا» ۇلتتىق پورتالى Sputnik قازاقستان سايتىنا سىلتەمە جاساپ.
تراگەديا 16 شىلدەدە بوكەيوردا اۋدانىنىڭ بيسەن اۋىلىندا بولدى، دەپ حابارلادى اۋدان اكىمدىگى.
«وتباسىنىڭ تۇرمىسى جاقسى. وتاعاسى شارۋا قوجالىعىمەن اينالىسادى، ءتورت بالانى تاربيەلەپ وتىر. قايعىلى جاعداي ءدال قالاي بولعانىن ءبىز ايتا المايمىز»، - دەپ تۇسىنىكتەمە بەردى بوكەيوردا اۋدانى اكىمدىگىنىڭ وكىلى.
دەنساۋلىق ساقتاۋ باسقارماسىنىڭ ءباسپاسوز قىزمەتى وق بالانىڭ موينىنا تيگەنىن اتاپ ءوتتى.
بۇل ۋاقىتتا اتا-اناسى ۇيدە بولماعان.
بالا جەدەل جاردەم كەلگەنگە دەيىن كوز جۇمدى، دەپ حابارلادى دەنساۋلىق ساقتاۋ باسقارماسىنىڭ ءباسپاسوز قىزمەتى. بيىل وقۋشى 6-سىنىپتى اياقتاعان.
بۇعان دەيىن پوليتسەيلەر قارۋ-جاراقتى قولدانۋ ەرەجەسىن ەسكە سالعان: قارۋدى وقتاپ قويۋعا بولمايدى، ونى ەشقاشان ادامعا كەزەنبەڭىز، وق اتاتىن ويىڭىز بولماسا، مىلتىقتىڭ تارتپاسىنا ساۋساعىڭىزدى تيگىزبەڭىز، بالالاردان اۋلاق ۇستاڭىز.
"ادىرنا" ۇلتتىق پورتالى
