Oblys äkımı apparatynyŋ basşysy Erkebūlan Dauylbaev Türkıstan qalasynda jüzege asyp jatqan jobalarmen tanysyp, qūrylys jūmystaryn baqylady. Apparat basşysyna «Aqyldy aialdama» men «Köşelerdı aqyldy jaryqtandyru» jobalary tanystyryldy. Būl aialdamanyŋ erekşelıgı – jolauşylarǧa qolaily jaǧdai jasalady, iaǧni, aua raiynyŋ suyq künderı aptap ystyǧynan qorǧamaq. Sonymen bırge qoǧamdyq kölıkterdıŋ kelu uaqyty da körsetılıp tūrady. Būl baǧytta jauapty mekeme men investor arasynda kelıssöz jürgızıledı. Al jaryqtandyru jüiesı boiynşa ūsynystar zerdelene tüspek.
Erkebūlan Dauylbaev Türkıstanda salynyp jatqan 5 myŋ adamdyq meşıttıŋ qūrylys barysymen de tanysty. Bügınde nysan qūrylysy aiaqtalyp keledı. Jauapty merdıgerge tiıstı tapsyrmalar berıldı.
Apparat basşysy oblys ortalyǧy maŋyndaǧy Şaǧa jasandy kölınıŋ jai-küiımen de tanysty. Türkıstan oblysynda «Türkıstan» turistık-rekreasiialyq ortalyǧynyŋ injenerlık infraqūrylymyn salu» jobasy, iaǧni Şaǧa kölın salu qolǧa alynǧan. Köldıŋ jalpy audany – 81,0 ga, syiymdylyǧy – 2,3 mln. tekşe metr, arnalardyŋ jalpy ūzyndyǧy – 6,1 şaqyrym. Şaǧa kölınıŋ negızgı maqsaty – Türkıstan qalasynyŋ äkımşılık-ıskerlık ortalyǧyn köktemgı su tasqynynan qorǧau. Joba şeŋberınde köldı tiımdı paidalau maqsatynda turistık oryn – jaǧajai retınde nysanǧa infraqūrylym tartu, avtomattandyrylǧan suaru jüiesı, ūŋǧyma, kärız qūbyrlary men qajettı qyzmet körsetu ǧimarattaryn salu közdelıp, jūmystar atqarylǧan. Atalǧan aumaqtaǧy jobany tolyq jüzege asyryp, turistık aimaqqa ainaldyru üşın investorlarmen kelıssözder jürgızıldı. Qalǧan jūmystar tolyq investorlar qarjysy esebınen atqarylady dep kütılıp otyr.
Ūqsas jaŋalyqtar
