Oralda «Zaŋ men tärtıp» qaǧidaty aiasynda äleumettık ärıptestık salasyndaǧy yntymaqtastyq forumy ūiymdastyryldy. Is-şara öŋırdegı eŋbek qatynastaryn tūraqtandyru jäne eŋbek daularynyŋ aldyn alu mäselelerıne arnaldy.
Forumǧa oblys prokurory Nūrbek Ūlasbekūly, oblys äkımınıŋ orynbasary Qaiyrjan Meŋdıǧaliev, «KPO B.V.» kompaniiasynyŋ bas direktory Marko Marsili, Börlı audanynyŋ äkımı Erkebūlan İhsanov jäne biznes-qoǧamdastyq ökılderı qatysty.
Forumda eŋbek qatynastary salasyndaǧy ahual keŋınen talqylanyp, eŋbek zaŋnamasynyŋ saqtaluyn qamtamasyz etu, jūmysşylardyŋ qūqyǧyn qorǧau jäne äleumettık jauapkerşılıktı arttyru baǧytyndaǧy naqty ıs-şaralar turaly baiandaldy.
Oblys äkımınıŋ orynbasary öŋırde eŋbek qauıpsızdıgın qamtuǧa baǧyttalǧan jūmystarǧa toqtaldy. Bügınde aimaqtaǧy 183 käsıporyn halyqaralyq standarttardy engızıp, «Vision Zero» tūjyrymdamasy men «Halyqtyq baqylau» jobalary qarqyndy jüzege asyryluda. Eŋbek naryǧyn sifrlandyru boiynşa elektrondyq eŋbek şarttaryn esepke alu jospary 94%-ǧa oryndalǧan. Byltyr oblys boiynşa eŋbek zaŋnamasyna qatysty 203 ötınış tırkelıp, tiıstı tekseruler nätijesınde anyqtalǧan kemşılıkter boiynşa nūsqamalar berıldı.
- Bız üşın jalaqy bereşegın boldyrmau – basty basymdyq. Qazırgı taŋda bırqatar käsıporyndaǧy bereşektı öteu üşın zaŋ aiasynda şaralar qabyldanuda. Būl mäseleler oblys äkımdıgı janyndaǧy üşjaqty komissiianyŋ tıkelei baqylauynda, – dedı Qaiyrjan Meŋdıǧaliev.
Forum qorytyndysynda äleumettık ärıptestıktı damytu, eŋbek daularynyŋ aldyn alu jäne eŋbek ūjymdaryndaǧy äleumettık şielenıstı tömendetu baǧytynda törtjaqty kelısımge qol qoiyldy.
Qūjat eŋbek zaŋnamasynyŋ saqtaluyn qamtamasyz etuge, qyzmetkerlerdıŋ qūqyqtary men zaŋdy müddelerın qorǧauǧa, jūmys beruşı men jūmysker arasyndaǧy özara jauapkerşılık pen aşyqtyq qaǧidattaryn nyǧaituǧa baǧyttalǧan.
