Túrkistan qalasynyń ákimdiginiń apparat qyzmetkerleri otyrǵan ǵımaratty qala basshylyǵy naryqtaǵy qunynan áldeqaıda arzan baǵaǵa satyp jibergen, dep habarlaıdy "Adyrna" ulttyq portaly jergilikti prokýratýraǵa silteme jasap.
4 qabatty eńseli ǵımarat Esim han alańynda ornalasqan. Al ol jer túrki áleminiń rýhanı qazynasyna aınalǵan Qoja Ahmet Iasaýı kesenesinen nebári 300 metr qashyqtyqta tur. Qalalyq ákimdiktiń júzdegen qyzmetkeri osylaısha eki jyldan beri jalǵa alynǵan ózge ǵımarattardy jaǵalap júrýge májbúr. Al, qalanyń qaq ortasyndaǵy ǵımarattyń memleket menshiginen shyǵyp ketkenin qalalyq prokýratýranyń ókilderi bilip qoıyp, ákimdiktiń bul áreketine aralasty.
Túrkistan qalasynyń prokýrory Jannur Ahmetbektiń málimetinshe, ákimdik elektrondy aýkıon ótkizgende oǵan bir ǵana adam qatysyp, jeńimpaz bolyp shyqqan. Talap boıynsha aýkıonǵa qatysýshy uıymnyń sany ekiden kem bolǵan jaǵdaıda konkýrs ótkizilmeýi tıis. Qyzyǵy, bul qaǵıda qaperden qalys qalyp, jeńimpaz bolǵan áıel álgi ǵımaratty qonaq úıge aınaldyrmaqshy bolady. Alaıda, sheneýnikterdiń áreketin prokýratýra bilip qoıyp, ákimdikti sotqa bergen edi.
«Jekeshelendirý obektisiniń naryqtyq qunyn baǵalaý týraly 2020 jylǵy 18 tamyzdaǵy № 99 sandy kelisim-sharttyn jaramsyz dep tanyp, kúshin joıý. «Baǵalaý jáne saraptama» JShS 2020 jylǵy 18 tamyzdaǵy № H10-08 jyljymaıtyn múlikti baǵalaý týraly esebin jaramsyz dep tanyp, kúshin joıý. 2020 jylǵy 7 qazandaǵy elektrondyq aýkıonnyń qorytyndysynyń № 163366 sandy hattamasyn jaramsyz dep tanyp, kúshin joıý. 2020 jylǵy 8 qazandaǵy «Túrkistan qalasy ákimdiginiń Ekonomıka jáne qarjy bólimi» MM men jeke kásipker Qulbıbi Bektasova arasyndaǵy ǵımaratty satyp alý-satý týraly № 21408-ETP sandy kelisim-shartyn jaramsyz dep tanyp, kúshin joıý. 2020 jylǵy 19 qazandaǵy «Túrkistan qalasy ákiminiń apparaty» MM men jeke kásipker Qulbıbi Bektasova arasyndaǵy № 1 sandy memlekettik múlikti satyp alý-satý boıynsha qabyldaý-ótkizý aktisin jaramsyz dep tanyp, kúshin joıý», - dep kórsetti Túrkistan qalasynyń prokýrory Jannur Ahmetbek.
4 qabatty ǵımarattyń jalpy kólemi 2554,7 sharshy metrden asady. Oǵan ákimdik 2018 jyly 257,1 mıllıon teńgege kúrdeli jóndeý jumystaryn júrgizedi. Alaıda, arada kóp ýaqyt ótpesten sándi saıabaqtyń janyndaǵy memlekettiń múlkin jekeshelendirý jóninde Túrkistan qalasynyń ákimi arnaıy qaýly shyǵarady. Qalalyq Ekonomıka jáne qarjy bólimi ǵımarattyń qunyn baǵalatý úshin Nurgúl Bımýrzaeva esimdi azamatsha basqaratyn Almatydaǵy «Baǵalaý jáne saraptama» JShS qyzmetine júgingen. 2020 jyldyń 18 tamyzynda shyqqan ákimniń qaýlysy negizinde ǵımarat elektrondyq saýda-sattyqqa qoıylyp, kókshetaýlyq 74 jastaǵy zeınetker áıelge 313 mıllıon 736 myń teńgege satylady. Irgetasy 1972 jyly qalanǵan nysandy osylaısha shaǵyn bıznesi bar Kulbıbi Bektasova utady.
«Bizge zańdy túrde elektrondy aýkıon arqyly satyldy. Ǵımaratty satyp alǵan kezde meniń balam birden Kókshetaýdan Túrkistanǵa ushyp ketti. Qonaq úı ashqymyz kelgen. Otbasylyq bıznespen aınalysamyz. Ǵımarat syrtynan ádemi kóringenmen, ishinde eshteńe joq. Ony keıin bildik. Biz jeńimpaz bolǵan soń 313 mıllıon teńgeni birden tólep tastadyq. Bir apta ótpeı jatyp quzyrly organdar, aldymen QR UQK aralasty. Túsiniksiz jaǵdaılar kóp. Kókshetaý qalasynda turamyz, eki ortaǵa shapqylaýmen sharshadyq», - dedi jeke kásipker Qulbıbi Qambarbekqyzy.
Kúrdeli jóndeý jumystary júrgizilgen ǵımarattyń ishi bir jylǵa jetpeı qırap qalǵan. Qoldan qıratylǵan. Al ony kimniń qandaı maqsatta istegeni «belgisiz». Prokýratýranyń anyqtaýynsha, jekeshelendirý obektisiniń naryqtyq quny 29,17% deıin tómendetilgen. Túrkistan oblysy boıynsha sot saraptamalary ınstıtýtynyń qorytyndysyna sáıkes, jekeshelendirý obektisiniń naryqtaǵy quny 438 mıllıon 604 myń teńgeden asady. Ishindegi búlingen dúnıelerdi qalpyna keltirýge taǵy 146 mıllıon 941 myń teńge qajet. «Memlekettik múlik týraly» QR Zańynyń 18-baby 10-tarmaǵyna sáıkes aýdandardyń, oblystyq mańyzy bar qalalardyń jergilikti atqarýshy organdary aýdandyq kommýnaldyq múliktiń paıdalanylýyn jáne saqtalýyn baqylaýdy qamtamasyz etedi. Alaıda, Túrkistan qalasynyń ákimdigi basqa ǵımaratqa kóshkenine kóp ýaqyt ótpese de (07.12.2019j.), apparat teńgerimindegi jyljymaıtyn múliktiń búlinýden qorǵalýyn qamtamasyz etpegen. Iaǵnı, baǵalaý jumystary bastalǵanǵa deıin ǵımaratty zańsyz buzý (kabınetterdiń tóbeleri, esik pen terezeleri, qabyrǵalary buzylǵan) jumystary bastalyp ketken.
«08.10.2020j. Túrkistan qalasy ákimdiginiń ekonomıka jáne qarjy bólimi men Kulbıbi Bektasova arasynda ǵımaratty satyp alý-satý týraly № 21408-ETP kelisimsharty túzilgen. Atalǵan ǵımaratqa qatysty is-áreketter zańsyz bolyp tabylady jáne kelesi mán-jaılar boıynsha buzylýǵa jatady. Baǵalaý talaptaryn buza otyryp, JShS fızıkalyq sıpattamalary týra kelmeıtin, básekeles bola almaıtyn jyljymaıtyn múliktiń sharshy metrin úsh ese tómen obektilermen salystyrǵan. Iaǵnı, ǵımarattyń quny naryqta maǵynalas nysandardyń joqtyǵyna qaramastan balamaly ádisti zańsyz qoldaný arqyly shyǵarylǵan. 2018jyly júrgizilgen jóndeý jumystary (257,1 mln. teńge) baǵalaý qunyna kirgende, ǵımarattyń naryqtyq qunyn edáýir joǵary baǵalaýǵa múmkindik beretin edi», - dedi Túrkistan qalalyq prokýratýrasynyń qyzmetkeri Narbek Myqtybaev.
Túrkistanǵa jeke statýs berilgen soń ǵımaratqa kúrdeli jóndeý jumystary úshin 257,1 mln teńgeniń qarjysy bólinedi. Apparat pen «Shańyraq» óndiristik kooperatıvi arasynda kelisimshart jasalady. 181 mln.teńge ǵımarattyń qasbeti qaptalyp, 76,1 mln.teńgege aǵymdaǵy jóndeý jumystary jasalady. 4 380 sharshy metr ishki qabyrǵalar emýlsııalyq kompozıııalarmen boıalsa, 3269 sharshy metr tóbe jańartylyp, 3800 sharshy metrlik edenge parket tóseledi. 68 dana esik pen 426 lıýstra, dárethanalarda túgel jańartylady. Alaıda, osynshama jumystardan keıin ǵımaratty satýǵa shyǵarǵan ákimdik nysandy baǵalaýshylardyń áreketine kóz juma qaraǵan.
«Baǵalaý ádisterin tańdaý jáne qoldaný kezinde baǵalaýshy quqyqtyq taldaý júrgizý, múliktik quqyqtar men aýyrtpalyqtardy sáıkestendirý, baǵalaý týraly esepte shynaıy derekterdi, eseptik kórsetkishterdi jáne júrgizilgen baǵalaýdy aıqyn túsindirý úshin nátıjelerdi tolyqqandy jáne túsinikti jazýdy qamtamasyz etýi qajet. Alaıda, JShS ǵımarattyń naryqtyq qunyn baǵalaý kezinde quqyqtyq taldaý júrgizbegen, baǵalaý týraly esepke shynaıy derekterdi engizbegen. Atap aıtqanda, JShS jer telimine turaqty paıdalaný quqyǵyn beretin akt pen ǵımarattyń tehnıkalyq pasportyn zertteýmen shektelgen, jyljymaıtyn múlik ıesiniń quqyǵyn rastaıtyn qujattardy suratpaǵan. Quqyqtyq taldaý júrgizbegen», - dedi prokýratýranyń ókili.
Jer ýchaskesin tıisti ıelikten shyǵarmaı, jyljymaıtyn múlikti basqanyń menshigine berýge jol berilmeıdi. Zańnamalyq talaptardy buza otyryp saraptama júrgizgen baǵalaý kompanııasy jyljymaıtyn múlik ornalasqan jerdiń qunyn da esepke almaǵan. Bul áreket te shynaıy baǵany arzan etip kórsetýge áser etken. Apparattaǵylar ǵımarat ornalasqan jer telimderin derbes jer ýchaske retinde bólmegen. Bundaı jaǵdaıda apparattyń kommýnaldyq basqarýyndaǵy jer ýchaskesine menshik quqyǵy júrgizilmeı-aq, nysandy satyp alýshyǵa jer tegin ótip ketedi. Prokýratýra «Túrkistan qalasy ákiminiń apparaty» MM, «Túrkistan qalasy ákimdiginiń Ekonomıka jáne qarjy bólimi» MM, Jeke kásipker Kulbıbi Bektasova men «Baǵalaý jáne saraptama» JShS sotqa bergen. Jaýapker taraptardyń bári sotta óz áreketiniń zańdy ekenin dáleldeýge tyrysyp, qatelikterin moıyndamaǵan. Sottan prokýratýranyń talabyn tolyq qanaǵattandyrýsyz qaldyrýdy suraǵan. Alaıda, azamattyq proestik kodekstiń 117, 223, 226-baptaryn basshylyqqa alǵan sýdıa olardyń talabyn qanaǵattandyrǵan joq.
«Túrkistan qalasy ákimdiginiń Ekonomıka jáne qarjy bólimi» MM men jeke kásipker Bektasova Qulbıbi Qambarbekqyzynyń arasyndaǵy ǵımaratty satyp alý-satý týraly 2020 jyldyń 8 qazanyndaǵy № 21408-ETP sandy kelisim-shartty jaramsyz dep tanyp, kúshin joıylsyn. 19 qazandaǵy «Túrkistan qalasy ákiminiń apparaty» MM men jeke kásipker Q.Q. Bektasova arasyndaǵy № 1 sandy memlekettik múlikti satyp alý-satý boıynsha qabyldaý-ótkizý aktisi jaramsyz dep tanylyp, kúshin joıylsyn. Jaýapker jeke kásipker Q.Bektasovadan memlekettiń paıdasyna memlekettik baj salyǵy 2 917 teńge óndirilsin», - delingen sýdıa Qýandyq Myrzahmetov shyǵarǵan sot sheshiminde.
Sheshim áli zańdy kúshine engen joq. Sheshimmen kelispegen taraptar bir aıdyń ishinde Túrkistan oblystyq sotynyń azamattyq ister jónindegi sot alqasyna Túrkistan oblysynyń mamandandyrylǵan aýdanaralyq ekonomıkalyq soty arqyly shaǵym túsire alady. Memlekettiń qundy múligin jekege ótkizýdiń jolyn tapqan ákimdiktiń qyzmetkerlerine qatysty ekonomıkalyq tergeý departamenti qylmystyq is ashqan.
«Bul ǵımarattyń shynaıy baǵasy 57 mıllıon teńge. Biz ony 313 mıllıon teńgege qymbatqa satyp aldyq. Sot isin jalǵastyra beremiz, apellıaııalyq shaǵym túsiremiz, óıtkeni biz oǵan kóp aqsha saldyq, aqshany qaryzǵa aldyq. Bizdiń maqsatymyz aqshany qaıtarý emes, ǵımaratty ózimizde qaldyrý. Óıtkeni, ǵımarat ishinde eshteńe bolǵan joq. Kabınetterdiń ishi búlingen, shashylyp jatyr. Bólmelerdiń arasyndaǵy qabyrǵalar da ashyq. Kóp dúnıe búlingen. Túrkistanǵa statýs berilgen kezde «BI Group» bir nárse jasaǵysy kelgen, sondyqtan onyń ishi buzylǵan deıdi. Ǵımarattyń ishi ement pen synǵan, shashylyp jatqan qurylys zattaryna toly», - dedi sottyń sheshimine narazylyǵyn bildirgen Qulbıbi Bektasova.
Kásipkerdiń sózinshe, nysan jóndeý jumystary júrgizilgen ǵımaratqa uqsamaıdy. Al ózderine áli tolyqqandy turaq tappaǵan qalalyq ákimdiktiń baspasóz qyzmeti jańarǵan ǵımaratty satýǵa ne túrtki bolǵanyn aıtýǵa resmı saýalhat suratty. 8 aıǵa sozylǵan daýly istiń taǵy qansha ýaqytqa jalǵasatyny belgisiz.
