ۇلىتاۋ وبلىسىندا سۋ تاسقىنى كەزەڭىنە دايىندىق اياسىندا سۋ باسۋ قاۋپى بار اۋماقتارعا اۋەدەن مونيتورينگ جۇرگىزىلدى. جۇمىسقا وبلىس اكىمى ەسەت بايكەن قاتىسىپ، وزەن ارنالارىنىڭ، سۋ قويمالارى مەن گيدروتەحنيكالىق قۇرىلىستاردىڭ جاي-كۇيىمەن تانىستى.
مونيتورينگ بارىسىندا ەلدى مەكەندەردىڭ اينالاسىنداعى جاعداي دا نازارعا الىندى. جاۋاپتى قىزمەت وكىلدەرىمەن بىرگە جاز مەزگىلىندە اتقارىلعان جۇمىستار تەكسەرىلىپ، قوسىمشا شارالاردى قاجەت ەتەتىن پروبلەمالىق ۋچاسكەلەر انىقتالدى.
سونداي-اق تاسقىن سۋلارىن جيناقتاپ، اۋىل شارۋاشىلىعى قاجەتتىلىكتەرىنە پايدالانۋ مۇمكىندىگى قاراستىرىلدى. بۇل باعىتتا سۋ الۋ قۇرىلىستارىن ورنالاستىرۋعا قولايلى اۋماقتاردى زەردەلەۋ قاجەتتىگى ايتىلدى.
وبلىس اكىمى ءتيىستى باسقارمالار مەن جاۋاپتى قىزمەتتەرگە سۋ تاسقىنى كەزەڭىنە دايىندىق جۇمىستارىن جالعاستىرىپ، ىقتيمال قاۋىپتەردىڭ الدىن الۋ شارالارىن تۇراقتى باقىلاۋدا ۇستاۋدى تاپسىردى.
