ۇلىتاۋ وبلىسىندا قۇرعاق ءشوپ ورتەنىپ جاتىر. بۇل تۋرالى وبلىستىق توتەنشە جاعدايلار دەپارتامەنتى جاريالادى، دەپ حابارلايدى “ادىرنا” ۇلتتىق پورتالى.
مالىمەت بويىنشا، 30 شىلدەدە ۇلىتاۋ وبلىسى تجد كەزەكشى قىزمەتىنە جاڭاارقا اۋدانىنىڭ كەنجەبايساماي اۋىلىنان 45 كم جەردە قۇرعاق ءشوپتىڭ جانعانى تۋرالى حابارلاما تۇسكەن.
ءورتتىڭ الدىن الا اۋماعى 2000 گەكتاردى قۇرايدى. ءورتتى سوندىرۋگە ەرىكتى ورتكە قارسى قۇرالىمدار مەن ۇلىتاۋ وبلىسى تجد 42 ادام جانە 11 بىرلىك تەحنيكا جۇمىلدىرىلۋدا. ەلدى مەكەنگە قاۋىپ-قاتەر جوق، - دەلىنگەن ۆەدومستۆو تاراتقان اقپاراتتا.تجد ازاماتتاردى ءورت قاۋىپسىزدىگى قاعيدالارىن ساقتاۋعا شاقىردى.