2028 جىلعا دەيىن ۇلىتاۋ وبلىسىندا 25 ينۆەستيتسيالىق جوبا پۋلى قالىپتاسادى

بيىل ۇلىتاۋدا جالپى سوماسى 138 ملرد تەڭگەنى قۇرايتىن 17 ينۆەستيتسيالىق جوبا باستاۋ الدى. ونىڭ ىشىندە قازىرگى تاڭدا مۇناي بازاسىنىڭ، جەل ەلەكتر ستانتسياسىنىڭ جانە رەسپيراتور شىعارۋ زاۋىتىنىڭ قۇرىلىسى اياقتالدى.
2028 جىلعا دەيىن جالپى قۇنى 920 ملرد تەڭگەنى قۇرايتىن 25 ينۆەستيتسيالىق جوبا پۋلى قالىپتاستىرىلىپ، 2 مىڭنان استام جاڭا جۇمىس ورنىن اشۋ كوزدەلىپ وتىر.
ەكونوميكانى ءارتاراپتاندىرۋدى جەدەلدەتۋ ماقساتىندا ساتباەۆ قالاسىندا يندۋستريالىق ايماق قۇرىلدى. اتالعان ايماق اياسىندا جالپى قۇنى 5 ملرد تەڭگەنى قۇرايتىن 3 جوبا پىسىقتالۋدا، ناتيجەسىندە 100 جۇمىس ورنى قۇرىلماق. اعىمداعى جىلى ينفراقۇرىلىم تارتىلۋ جۇمىستارى باستالىپ، كەلەسى جىلى اياقتالاتىن بولادى.
جوسپارلانعان جوبالاردىڭ ىسكە اسىرىلۋى شاعىن جانە ورتا وندىرىستەر بەلدەۋىن قالىپتاستىرىپ، جاڭا جۇمىس ورىندارىن اشۋعا، ساۋدا-كولىك بايلانىسىن كۇشەيتۋگە جانە قالانىڭ ءبىر باعىتتاعى دامۋىنان ارىلىپ، ەكونوميكاسىن ءارتاراپتاندىرۋدى جەدەلدەتۋگە مۇمكىندىك بەرەدى.
سونداي-اق وڭىردە دەمەۋشىلىك قاراجات ەسەبىنەن ءتۇرلى الەۋمەتتىك جانە ينفراقۇرىلىمدىق جوبالار جۇزەگە اسىرىلۋدا. ولاردى قولعا الۋعا «قازاقمىس» كورپوراتسياسى، «كازتسينك» ونەركاسىبى، «Qarmet» اق سىندى ءىرى ونەركاسىپ كومپانيالارى جانە «قازاقستان حالقىنا» جانە «بولات وتەمۇراتوۆ» قورى قولداۋ ءبىلدىرىپ وتىر. ولاردىڭ جالپى قۇنى - 50,3 ملرد تەڭگەنى قۇرايدى.