ۇلىتاۋ تورىندە حالىق شىعارماشىلىعىنىڭ رەسپۋبليكالىق XXXIV ءداستۇرلى «ۇلىتاۋ ءۇنى» فەستيۆالى ءوز شىمىلدىعىن اشتى.
ۇلتتىق ونەردى ۇلىقتاعان مادەني شاراعا ەلىمىزدىڭ ءار وڭىرىنەن ونەرپازدار، ونەر سالاسىنىڭ مايتالماندارى، شىعارماشىلىق ۇجىمدار مەن قوناقتار جينالدى.
فەستيۆالدىڭ اشىلۋ سالتاناتىندا ۇلىتاۋ وبلىسىنىڭ اكىمى ەسەت بايكەن قاتىسۋشىلار مەن قوناقتارعا قۇتتىقتاۋ ءسوز سويلەپ، ۇلتتىق ونەردى ساقتاۋ مەن دامىتۋ، ءداستۇر ساباقتاستىعىن جالعاستىرۋدىڭ ماڭىزىن اتاپ ءوتتى.
ءۇش كۇنگە جوسپارلانعان فەستيۆال اياسىندا ءداستۇرلى ءان، جىر، تەرمە، ايتىس، ەسترادا جانە اسپاپتىق ونەر باعىتتارى قامتىلادى. سونىمەن قاتار جاس تالانتتار مەن تاجىريبەلى ونەرپازداردىڭ باسىن قوساتىن ءتۇرلى بايقاۋ ۇيىمداستىرىلادى.
فەستيۆالدى تاريحي ءىس-شارانىڭ باستاۋ العان ساتىنەن قاتىسقان ونەر مايتالماندارى باستاپ، بۇگىنگى بۋىن ونەرپازدارى جالعادى. 
فەستيۆال باعدارلاماسى الداعى ءۇش كۇن بويى ۇلىتاۋ وبلىسىنىڭ ونەر جانە مادەنيەت نىساندارىندا جالعاسادى. بۇگىن ساعات 11:00-دە ءداستۇرلى ءان بايقاۋى وتسە، جەزقازعان قالاسىنداعى «شابىت» بالالار مەن جاسوسپىرىمدەر شىعارماشىلىق ورتالىعىندا ءاليحان بوكەيحانوۆتىڭ 160 جىلدىعىنا ارنالعان مۋلتياسپاپشىلار بايقاۋى ۇيىمداستىرىلادى.
