ۇلىتاۋ وبلىسىندا رەسپيراتور شىعاراتىن زاۋىت اشىلدى. بۇل - سوڭعى ءۇش جىلدا وڭىردە جۇزەگە اسىرىلعان ون ەكىنشى ينۆەستجوبا. قۇنى - 800 ميلليون تەڭگە. كاسىپورىندا جىلىنا 5 ميلليون جەكە قورعانىس قۇرالى شىعارىلادى، سونداي-اق 40-قا جۋىق ازامات جۇمىسپەن قامتىلماق. جوبانى جۇزەگە اسىرۋشى - «Ulytau Industrial Company» جشس.
اشىلۋ سالتاناتىنا ارنايى قاتىسقان ۇلىتاۋ وبلىسىنىڭ اكىمى داستان رىسپەكوۆ وڭىردەگى ەكونوميكانى ءارتاراپتاندىرۋ ماقساتىندا اتقارىلىپ جاتقان وسىنداي جوبالاردىڭ ماڭىزىن اتاپ ءوتتى. 
«وبلىس اكىمدىگى ينۆەستيتسيالاردى تارتۋ جانە كاسىپكەرلىكتى قولداۋ جۇمىستارىن باسىم مىندەت رەتىندە قاراستىرادى. ءبىز ينۆەستورلارعا قولايلى جاعداي جاساۋعا، ءتيىستى كەدەرگىلەردى ازايتۋعا جانە ءوڭىردىڭ ەكونوميكالىق الەۋەتىن ارتتىرۋعا باعىتتالعان شارالاردى جالعاستىرا بەرەمىز»-دەدى ءوڭىر باسشىسى ءوز سوزىندە.
جالپى 2025 جىلى وڭىردە جالپى قۇنى 138 ملرد تەڭگەگە 17 ينۆەستيتسيالىق جوبانى ىسكە
«قازىر ۇلىتاۋ وبلىسىنىڭ ءوندىرىس، كاسىپورىندارىن قامتاماسىز ەتەمىز. كۇزگە قاراي قۋاتتىلىعىمىزدى ارتتىرىپ، قازاقستان نارىعىنا شىعۋدى جوسپارلاپ وتىرمىز. ول ۋاقىتتا ونىمدەرىمىزدىڭ سانى ارتىپ، قىزمەتكەرلەر سانى دا كوبەيمەك»-دەيدى ينۆەستور قالمۇرات ماديشەۆ.
ايتا كەتەيىك، ەكونوميكانى ءارتاراپتاندىرۋ ماقساتىندا 2024 جىلى ۇلىتاۋ وبلىسىندا جالپى سوماسى 34 ملرد تەڭگەگە 9 ينۆەستيتسيالىق جوبا ىسكە قوسىلدى. بۇل جوبالار 200-دەن استام جاڭا جۇمىس ورنىن قۇردى. سونىمەن قاتار، وتكەن جىلى نەگىزگى كاپيتالعا 226,5 ملرد تەڭگە ينۆەستيتسيا تارتىلدى، ونىڭ 89%-ى جەكە ينۆەستيتسيالاردىڭ ۇلەسىنە تيەسىلى.
