Búgin Parlament Májilisiniń tóraǵasy Erlan Qoshanov bastaǵan bir top depýtat Qytaıǵa resmı saparmen keldi. Beıjińde depýtattar Qytaı Halyq Respýblıkasy Búkilqytaılyq halyq ókilderi jınalysy Turaqty komıtetiniń Tóraǵasy Chjao Lezımen, Qytaı Halyq Respýblıkasynyń Halyqtyq saıası konsýltatıvtik keńesi Búkilqytaılyq komıtetiniń tóraǵasy Van Hýnınmen jáne Qytaı Halyq Respýblıkasy Tóraǵasynyń orynbasary Han Chjenmen kezdesti.
Qytaı Halyq Respýblıkasy Búkilqytaılyq halyq ókilderi jınalysy Turaqty komıtetiniń tóraǵasy Chjao Lezımen kezdesýde taraptar parlamentaralyq dıalogtan bastap eki el arasyndaǵy ekonomıkalyq jáne mádenı yntymaqtastyqqa deıingi kóptegen máseleni talqylady.
«Sońǵy eki jyl Qazaqstan men Qytaı tarıhyndaǵy mańyzdy kezeń boldy. Memleket basshylarymyzdyń kúsh-jigeriniń arqasynda ol jańa deńgeıge kóterildi. Bizdiń parlamentter arasyndaǵy ózara is-áreket kóshbasshylarymyzdyń qol jetkizgen ýaǵdalastyqtaryn iske asyrýǵa baǵyttalýǵa tıis. Bizdiń ótken jyly josparlanǵan osy resmı saparymyz parlamentaralyq baılanystardy jan-jaqty nyǵaıtýǵa jaqsy múmkindik beredi. Ótken jyly josparlanǵan osy resmı sapar Parlamentaralyq baılanysymyzdy odan ári arttyrýǵa septigin tıgizedi», – dedi Erlan Qoshanov.
Májilis spıkeri Memleket basshysy Qasym-Jomart Toqaevtyń bastamasymen júrgizilip jatqan júıeli ózgerister týraly, sondaı-aq Májilistiń qazirgi qyzmeti jaıly aıtyp berdi.
Qazaqstan depýtattary qytaılyq áriptesteriniń tájirıbesine, sonyń ishinde, jasandy ıntellekt pen tótenshe jaǵdaılarǵa qarsy kúres salasyndaǵy tájirıbesine erekshe qyzyǵýshylyq tanytty.
Sonymen qatar Májilis tóraǵasy transshekaralyq sý resýrstaryn tıimdi paıdalaný máselesine nazar aýdardy.
«Elderimizdiń úkimetteri arasynda transshekaralyq ózenderdiń sýyn bólý týraly ekijaqty kelisim ázirlenýde. Biz osy mańyzdy kelisimge tezirek qol qoıamyz dep úmittenemiz», – dedi Májilis tóraǵasy.
Óz kezeginde Chjao Lezı parlamentaralyq yntymaqtastyq Qytaı men Qazaqstan arasyndaǵy máńgilik jan-jaqty strategııalyq áriptestiktiń mańyzdy bóligi ekenin aıtty. Sondaı-aq ol Májilis tóraǵasynyń bul sapary ekijaqty yntymaqtastyqqa tyń serpin beretinine senim bildirdi.
«Sońǵy jyldary Tóraǵa Sı zınpın men Prezıdent Toqaevtyń strategııalyq basshylyǵynyń arqasynda ekijaqty qarym-qatynasymyz qarqyndy damyp keledi. Qytaı aldaǵy ýaqytta da Qazaqstannyń táýelsizdigin, egemendigi men aýmaqtyq tutastyǵyn qoldaı beredi. Qytaı árqashan Qazaqstannyń óz damý jolyn, onyń órkendeý men turaqtylyqqa baǵyttalǵan syrtqy jáne ishki saıasatyn qoldaıdy», – dedi Chjao Lezı.
Taraptar ótken jyldyń qarasha aıynda vızasyz rejım engizilgen sátten bastap jáne Qazaqstannyń Qytaıdaǵy týrızm jyly ótkizilýine baılanysty eki el azamattarynyń ózara saparlarynyń aıtarlyqtaı artqanyn atap ótti. Olar muny úlken dıplomatııalyq jetistik dep atady.
Kezdesý barysynda spıkerler mádenıet, bilim berý salalarynda da seriktestikti arttyrýǵa múddeli ekenderin aıtty. Eki eldiń astanalarynda Qazaqstan men Qytaıdyń mádenı ortalyqtarynyń tezirek ashylýyna erekshe mán berildi.
Kezdesý sońynda Májilis spıkeri áriptesin Qazaqstanǵa resmı saparmen kelýge shaqyrdy.
Sondaı-aq Erlan Qoshanov Qytaı Halyq Respýblıkasynyń Halyqtyq saıası konsýltatıvtik keńesi Búkilqytaılyq komıtetiniń tóraǵasy Van Hýnınmen kezdesti. Tanymal qytaı saıasatkeri Prezıdent Qasym-Jomart Toqaevtyń reformalaryna joǵary baǵa berip, Qytaı ınnovaııa men ıfrlandyrý salasy boıynsha áriptestikke daıyn ekenin málimdedi.
«Biz Prezıdent Toqaevtyń basshylyǵymen Jańa Qazaqstan qurý jónindegi strategııalyq maqsattyń oryndalatynyna senimdimiz. Qazaqstannyń damýy men órkendeýine tyń serpin beretin ózara tıimdi yntymaqtastyqqa múddelimiz. Qytaı tarapy elińizge senimdi tirek bolýǵa daıyn», – dedi Van Hýnın.
Ol Qytaı men Qazaqstannyń ózara berik qoldaýy ekijaqty kún tártibinen áldeqashan shyǵyp ketkenin erekshe atap ótti. Bul halyqaralyq jáne óńirlik isterde aıqyn kórinedi. Qytaı tarapy Qazaqstannyń jahandyq yqpalynyń ósýin jáne onyń halyqaralyq arenada daýys berý quqyǵyn arttyrýdy qalaıdy.
«Prezıdent Toqaev 2029 jylǵa qaraı ishki jalpy ónimdi eki ese arttyrýdy strategııalyq maqsat etip qoıdy. Osy maqsatqa jetýde qazaqstandyq áriptesterimizdi qoldaımyz. Sondyqtan eki eldiń damý strategııalaryn úılestirip, saıası baılanystardy nyǵaıtý mańyzdy», – dedi qytaılyq saıasatker.
Van Hýnın jýyq arada Qazaqstan Parlamenti qabyldaǵan «Ulttyq qor – balalarǵa» zańynyń iske asyrylý barysyna qyzyǵýshylyq tanytty.
Óz kezeginde Erlan Qoshanov Prezıdent jarııalaǵan ekonomıkalyq ózgerister Qytaımen ınfraqurylymdy jańǵyrtý, óndiristi, bank isin damytý jáne jańa ınvestıııalar tartý máseleleri boıynsha jańa múmkindikterge jol ashatynyn aıtty.
Qytaı Halyq Respýblıkasy Tóraǵasynyń orynbasary Han Chjenmen kezdesýde eki jaqty ekonomıkalyq yntymaqtastyqtyń joǵary qarqyny atap ótildi.
«Jaqynda Siz Qazaqstan-Qytaı yntymaqtastyq komıtetin tabysty basqardyńyz jáne elderimizdiń dostyq áleýetin jaqsy bilesiz. Qazir energetıka, avtokólik qurastyrý, logıstıka, elektrondyq saýda salalarynda birqatar serpindi joba iske asyrylýda. Eki el arasyndaǵy ózara taýar aınalymy tarıhtaǵy eń joǵary deńgeıge – 41 mıllıard AQSh dollaryna jetti. Munyń barlyǵy qysqa ýaqyt ishinde aýqymdy maqsattar qoıyp, orta merzimde saýda-sattyqty eselep arttyrýǵa múmkindik beredi», – dedi Májilis tóraǵasy.
QHR Tóraǵasynyń orynbasary óz sózinde dıplomatııalyq qarym-qatynas ornaǵan 30 jyl ishinde elderimiz tatý kórshi, jaqsy dos, senimdi serikteske aınaldy. Jańa altyn 30 jyldyqta Qytaı men Qazaqstan bar kúsh jigerin kóshbasshylarymyzdyń kelisimderin iske asyrýǵa baǵyttalýy kerektigine mán berdi.
«Biz yntymaqtastyǵymyzdy ınnovaııalar esebinen de ilgeriletýimiz kerek. Balamaly energııa, transshekaralyq elektrondy saýda, spýtnıktik telekommýnıkaııa syndy jańa salalarda baılanystarymyzdy tereńdetý qajet», – dedi Han Chjen.
Budan bólek, delegaııa músheleri «SANY Group» mashına jasaý kásipornynyń tynys-tirshiligimen tanysty. Bul – qurylys jáne arnaıy tehnıka kólikterin shyǵaratyn jáne satatyn álemdik reıtıngtegi tórtinshi kompanııa.
Májilis delegaııasynyń resmı sapary erteń Shyńjań-Uıǵyr avtonomııalyq aýdanynyń ortalyǵy Úrimshi qalasynda jalǵasady.
