Eýroparlament depýtaty Rýza Týn adam quqyǵynyń buzylýyna baılanysty Qazaqstanǵa qarsy «sankııa talap etýge májbúr bolamyz» dedi, dep habarlaıdy "Adyrna" ulttyq portaly Orda.kz saıtyna siltep.
“Keshegi kezdesý: Eýroparlament depýtattary men qazaqstandyq depýtattar.
Olar (Qazaqstan depýtattary): Adam quqyǵyna kepildik berilgen.
Men: Búgin 13 saıası belsendi sotqa tartyldy ǵoı.
Olar: Biz túrmedegi jaǵdaıdy jaqsartyp jatyrmyz.
Men: Nege qamalǵan belsendiler “júrek talmasynan” kóz jumady?! Biz áriptestikti qalaımyz, alaıda biz sankııany talap etýge májbúrmiz” dep Tvıtter paraqshasyna Eýroparlament depýtaty Rýza Týn jazdy.
11 qazanda Eýroparlamentte Eýroodaq pen Qazaqstan parlamenttik yntymaqtastyq komıtetiniń otyrysy ótti. Eýropalyq parlamenttegi qazaqstandyq delegaııaǵa qatysqan qazaqstandyq depýtattar Lınnık, Sarym, Skakova, Aıtpaeva tilshilerdiń suraqtaryna nazar aýdarmady.
Senattyń baspasóz qyzmeti senator Aıtpaevanyń Eýropalyq Parlamentke kelgenin, onda basqalarmen qatar adam quqyqtary men azamattyq qoǵam máseleleri boıynsha pikir almasý bolǵanyn habarlady.
Májilistiń baspasóz qyzmeti depýtat Snejanna Imasheva óz sózinde Qazaqstannyń BUU, EQYU jáne Eýropa Keńesimen adam quqyqtary boıynsha ózara árekettesý máselelerin kótergenin habarlady.
12 qazanda Imashevanyń ózi Orda.kz tilshisine bergen suhbatynda Eýropalyq Odaq pen QR parlamenttik yntymaqtastyq komıtetiniń otyrysynda adam quqyqtary jóninde másele talqylanǵanyn, biraq olar sankııalar týraly «aıtpaǵanyn» aıtty.
Esterińizge sala keteıik, 30 qyrkúıekte Eýroparlament depýtaty Roza Týn Qazaqstanda adam quqyqtaryn buzýǵa kináli adamdarǵa sankııa qoldanýdy talap etken bolatyn. Qazaqstan Májilisiniń depýtattary Orda.kz jýrnalısiniń Eýroparlament tarapynan sankııa salýdyń yqtımal qaýpi týraly suraǵyna jaýap bere otyryp, Eýropada «joǵaltatyn tipti eshteńe joq» dep sanaıdy, sondyqtan sankııalar tizimine ený - bul «alańdarlyq dúnıe emes».
"Adyrna" ulttyq portaly
