ەۋروپارلامەنت دەپۋتاتى: قازاقستانعا سانكتسيا سالۋدى تالاپ ەتەمىز

2133

ەۋروپارلامەنت دەپۋتاتى رۋزا تۋن ادام قۇقىعىنىڭ بۇزىلۋىنا بايلانىستى قازاقستانعا قارسى «سانكتسيا تالاپ ەتۋگە ءماجبۇر بولامىز» دەدى، دەپ حابارلايدى "ادىرنا" ۇلتتىق پورتالى Orda.kz سايتىنا سىلتەپ. 

“كەشەگى كەزدەسۋ: ەۋروپارلامەنت دەپۋتاتتارى مەن قازاقستاندىق دەپۋتاتتار.
ولار (قازاقستان دەپۋتاتتارى): ادام قۇقىعىنا كەپىلدىك بەرىلگەن.
مەن: بۇگىن 13 ساياسي بەلسەندى سوتقا تارتىلدى عوي.
ولار: ءبىز تۇرمەدەگى جاعدايدى جاقسارتىپ جاتىرمىز.
مەن: نەگە قامالعان بەلسەندىلەر “جۇرەك تالماسىنان” كوز جۇمادى؟! ءبىز ارىپتەستىكتى قالايمىز، الايدا ءبىز سانكتسيانى تالاپ ەتۋگە ءماجبۇرمىز” دەپ تۆيتتەر پاراقشاسىنا ەۋروپارلامەنت دەپۋتاتى رۋزا تۋن جازدى.

11 قازاندا ەۋروپارلامەنتتە ەۋرووداق پەن قازاقستان پارلامەنتتىك ىنتىماقتاستىق كوميتەتىنىڭ وتىرىسى ءوتتى. ەۋروپالىق پارلامەنتتەگى قازاقستاندىق دەلەگاتسياعا قاتىسقان قازاقستاندىق دەپۋتاتتار ليننيك، سارىم، سكاكوۆا، ايتپاەۆا تىلشىلەردىڭ سۇراقتارىنا نازار اۋدارمادى.

سەناتتىڭ ءباسپاسوز قىزمەتى سەناتور ايتپاەۆانىڭ ەۋروپالىق پارلامەنتكە كەلگەنىن، وندا باسقالارمەن قاتار ادام قۇقىقتارى مەن ازاماتتىق قوعام ماسەلەلەرى بويىنشا پىكىر الماسۋ بولعانىن حابارلادى.

ءماجىلىستىڭ ءباسپاسوز قىزمەتى دەپۋتات سنەجاننا يماشەۆا ءوز سوزىندە قازاقستاننىڭ بۇۇ، ەقىۇ جانە ەۋروپا كەڭەسىمەن ادام قۇقىقتارى بويىنشا ءوزارا ارەكەتتەسۋ ماسەلەلەرىن كوتەرگەنىن حابارلادى.

12 قازاندا يماشەۆانىڭ ءوزى Orda.kz تىلشىسىنە بەرگەن سۇحباتىندا ەۋروپالىق وداق پەن قر پارلامەنتتىك ىنتىماقتاستىق كوميتەتىنىڭ وتىرىسىندا ادام قۇقىقتارى جونىندە ماسەلە تالقىلانعانىن، بىراق ولار سانكتسيالار تۋرالى «ايتپاعانىن» ايتتى.

ەستەرىڭىزگە سالا كەتەيىك، 30 قىركۇيەكتە ەۋروپارلامەنت دەپۋتاتى روزا تۋن قازاقستاندا ادام قۇقىقتارىن بۇزۋعا كىنالى ادامدارعا سانكتسيا قولدانۋدى تالاپ ەتكەن بولاتىن. قازاقستان ءماجىلىسىنىڭ دەپۋتاتتارى Orda.kz ءجۋرناليسىنىڭ ەۋروپارلامەنت تاراپىنان سانكتسيا سالۋدىڭ ىقتيمال قاۋپى تۋرالى سۇراعىنا جاۋاپ بەرە وتىرىپ، ەۋروپادا «جوعالتاتىن ءتىپتى ەشتەڭە جوق» دەپ سانايدى، سوندىقتان سانكتسيالار تىزىمىنە ەنۋ - بۇل «الاڭدارلىق دۇنيە ەمەس».

"ادىرنا" ۇلتتىق پورتالى

پىكىرلەر
ۇقساس جاڭالىقتار