مۇستافا شوقاي اتىنداعى فرانتسۋز–قازاق دوستىق قاۋىمداستىعىنىڭ پرەزيدەنتى ياشار دينچ ومىردەن ءوتتى، دەپ حابارلايدى "ادىرنا" ۇلتتىق پورتالى.
قارالى حاباردى ابدىۋاقاپ قارا جەلىدەگى پاراقشاسىندا حابارلادى.
ياشار دينچ كورنەكتى مەملەكەت جانە قوعام قايراتكەرى مۇستافا شوقايدى فرانتسيا جۇرتشىلىعىنا تانىتۋ جولىندا وراسان زور ەڭبەك سىڭىرگەن. ول 2006 جىلدان باستاپ 20 جىل بويى قاۋىمداستىق اياسىندا شوقايدىڭ مۇراسىن ناسيحاتتاۋعا ۇلەس قوستى.
ونىڭ جەتەكشىلىگىمەن 2007 جىلى نوجان-سيۋر-مارن قالاسىنداعى جەرگىلىكتى مۋزەيدە مۇستافا شوقايعا ارنايى ورىن اشىلدى، ال 2010 جىلى پاريجدە مۇستافا شوقاي اتىنداعى ساياباق ىسكە قوسىلدى. وسى ساياباق ارقىلى ۇلى تۇلعانىڭ ەسىمى پاريج قالاسىنىڭ كارتاسىنا ەندى.
كۋاگەرلەردىڭ ايتۋىنشا، ياشار دينچ تەك ۇيىمداستىرۋشى عانا ەمەس، كوشباسشى رەتىندە ساياباققا كەلەتىن قوناقتاردى قارسى الىپ، ونىڭ تازالىعىن قامتاماسىز ەتىپ وتىرعان. سونداي-اق، ول شوقايدى تانىتۋ ماقساتىندا كۇنتىزبەلەر مەن ەستەلىك بۇيىمداردى شىعارتىپ، ۇلى تۇلعانىڭ بەينەسىن كەڭىنەن ناسيحاتتاعان.
