Mūstafa Şoqai atyndaǧy Fransuz–Qazaq dostyq qauymdastyǧynyŋ prezidentı Iаşar Dinch ömırden öttı, dep habarlaidy "Adyrna" ūlttyq portaly.
Qaraly habardy Äbdıuaqap Qara jelıdegı paraqşasynda habarlady.
Iаşar Dinch körnektı memleket jäne qoǧam qairatkerı Mūstafa Şoqaidy Fransiia jūrtşylyǧyna tanytu jolynda orasan zor eŋbek sıŋırgen. Ol 2006 jyldan bastap 20 jyl boiy qauymdastyq aiasynda Şoqaidyŋ mūrasyn nasihattauǧa üles qosty.
Onyŋ jetekşılıgımen 2007 jyly Nojan-siur-Marn qalasyndaǧy jergılıktı muzeide Mūstafa Şoqaiǧa arnaiy oryn aşyldy, al 2010 jyly Parijde Mūstafa Şoqai atyndaǧy saiabaq ıske qosyldy. Osy saiabaq arqyly ūly tūlǧanyŋ esımı Parij qalasynyŋ kartasyna endı.
Kuägerlerdıŋ aituynşa, Iаşar Dinch tek ūiymdastyruşy ǧana emes, köşbasşy retınde saiabaqqa keletın qonaqtardy qarsy alyp, onyŋ tazalyǧyn qamtamasyz etıp otyrǧan. Sondai-aq, ol Şoqaidy tanytu maqsatynda küntızbeler men estelık būiymdardy şyǧartyp, ūly tūlǧanyŋ beinesın keŋınen nasihattaǧan.
