20 qarasha saılaý kúni jappaı tártipsizdik uıymdastyrmaqshy bolǵan qylmystyq top ustaldy. Bul týraly Ulttyq qaýipsizdik komıtetiniń baspasóz qyzmeti habarlady, dep jazady "Adyrna" ulttyq portaly.
Vedomstvonyń habarlaýynsha, arnaıy operaııa nátıjesinde 7 adam ustaldy.
"QR Qylmystyq kodeksiniń 179-babynyń 2-bóligi jáne 272-babynyń 1-bóligi boıynsha tergeý bastaldy. Ustalǵandardyń turǵylyqty jeri boıynsha zattaı dáleldemeler tárkilendi. Prokýratýra sankııasymen olardyń jappaı tártipsizdikter uıymdastyrýǵa, memlekettik jáne quqyq qorǵaý organdarynyń ákimshilik ǵımarattaryna, tirshilikti qamtamasyz etý obektilerine qarý men tutandyrǵysh qospalardy qoldaný arqyly shabýyl jasaýǵa daıyndalǵandary qujattalǵan. Toptyń árbir múshesiniń róli naqty bólingen, qylmystyq josparlar jasyryn sharalaryn saqtaı otyryp, turaqty kezdesýler barysynda talqylandy", - delingen resmı habarlamada.
Top músheleri «bótelke laqtyrǵysh» dep atalatyn jabdyqtar jasap, olardyń kómegimen «Molotov kokteılderin» laqtyra otyryp quqyq qorǵaý organdary qyzmetkerlerin fızıkalyq joıýdy josparlaǵan.
Jasyryn oryndar uıymdastyryp, oǵan qylmys jasaýǵa arnalǵan quraldar – Kalashnıkov avtomaty, oıyq uńǵyly «Merkel» myltyǵy, eki tegis uńǵyly kesilgen myltyq, oq-dáriler, «Molotov kokteılderine» arnalǵan suıyqtyqtyǵy bótelkeler, «bótelke laqtyrǵyshtar», benzın quıylǵan kanıstralar, raııalar saqtaǵan. Kúdiktiler QR QPQ 128-babyna sáıkes ustalyp, ýaqytsha ustaý ızolıatoryna qamaldy.
Ózge málimetter Qazaqstan Respýblıkasy QPQ 201-babyna sáıkes jarııalaýǵa jatpaıdy.
"Adyrna" ulttyq portaly
