20 qaraşa sailau künı jappai tärtıpsızdık ūiymdastyrmaqşy bolǧan qylmystyq top ūstaldy. Būl turaly Ūlttyq qauıpsızdık komitetınıŋ baspasöz qyzmetı habarlady, dep jazady "Adyrna" ūlttyq portaly.
Vedomstvonyŋ habarlauynşa, arnaiy operasiia nätijesınde 7 adam ūstaldy.
"QR Qylmystyq kodeksınıŋ 179-babynyŋ 2-bölıgı jäne 272-babynyŋ 1-bölıgı boiynşa tergeu bastaldy. Ūstalǧandardyŋ tūrǧylyqty jerı boiynşa zattai däleldemeler tärkılendı. Prokuratura sanksiiasymen olardyŋ jappai tärtıpsızdıkter ūiymdastyruǧa, memlekettık jäne qūqyq qorǧau organdarynyŋ äkımşılık ǧimarattaryna, tırşılıktı qamtamasyz etu obektılerıne qaru men tūtandyrǧyş qospalardy qoldanu arqyly şabuyl jasauǧa daiyndalǧandary qūjattalǧan. Toptyŋ ärbır müşesınıŋ rölı naqty bölıngen, qylmystyq josparlar jasyryn şaralaryn saqtai otyryp, tūraqty kezdesuler barysynda talqylandy", - delıngen resmi habarlamada.Top müşelerı «bötelke laqtyrǧyş» dep atalatyn jabdyqtar jasap, olardyŋ kömegımen «Molotov kokteilderın» laqtyra otyryp qūqyq qorǧau organdary qyzmetkerlerın fizikalyq joiudy josparlaǧan. Jasyryn oryndar ūiymdastyryp, oǧan qylmys jasauǧa arnalǧan qūraldar – Kalaşnikov avtomaty, oiyq ūŋǧyly «Merkel» myltyǧy, ekı tegıs ūŋǧyly kesılgen myltyq, oq-därıler, «Molotov kokteilderıne» arnalǧan sūiyqtyqtyǧy bötelkeler, «bötelke laqtyrǧyştar», benzin qūiylǧan kanistralar, rasiialar saqtaǧan. Küdıktıler QR QPQ 128-babyna säikes ūstalyp, uaqytşa ūstau izoliatoryna qamaldy. Özge mälımetter Qazaqstan Respublikasy QPQ 201-babyna säikes jariialauǧa jatpaidy. https://youtu.be/i7EU-Kk-HUk
"Adyrna" ūlttyq portaly
Ūqsas jaŋalyqtar
