قازاقستاندا تاعى ءبىر كاسىبي مەرەكە – مەملەكەتتىك قىزمەتتەر سالاسىنداعى قىزمەتكەرلەر كۇنى پايدا بولادى. جاڭا مەيرام جىل سايىن 15 ساۋىردە اتالىپ وتەدى. ءتيىستى ۇكىمەت قاۋلىسىنىڭ جوباسى "اشىق نقا" پورتالىنداجاريالاندى، دەپ حابارلايدى “ادىرنا” ۇلتتىق پورتالى.
"قازاقستان رەسپۋبليكاسىنداعى مەرەكەلىك كۇندەردىڭ تىزبەسى "مەملەكەتتىك قىزمەتتەر سالاسىنداعى قىزمەتكەرلەر كۇنى – 15 ءساۋىر" دەگەن تارماقپەن تولىقتىرىلسىن", – دەلىنگەن جازبادا.
قاۋلىدا مەملەكەتتىك قىزمەتتەر سالاسىنداعى قىزمەتكەرلەردىڭ ەڭبەك ۇجىمى رەسپۋبليكا بويىنشا شالعاي اۋدانداردى قوسا العاندا، وبلىستار مەن رەسپۋبليكالىق ماڭىزى بار قالالاردا جۇمىس ىستەيتىنى جازىلعان. قىزمەتكەرلەردىڭ جالپى سانى 20 مىڭنان استام ادامدى قۇرايدى.
"الايدا بۇگىنگى كۇنى مەملەكەتتىك قىزمەت كورسەتۋ سالاسىنداعى قىزمەتكەرلەردىڭ كاسىبي مەرەكەسىن اتاپ ءوتۋ مۇمكىندىگى جوق جانە وسىنداي مەرەكە بولماعاندىقتان، بىرىڭعاي كاسىبي قوعامداستىق سالاسىنىڭ بولشەگى ەكەنىن سەزىنبەيدى", – دەلىنگەن جازبادا.
مەملەكەتتىك قىزمەت كورسەتۋ سالاسىندا كاسىبي مەرەكەلەردى اتاپ وتۋگە قاتىستى حالىقارالىق تاجىريبە دە زەردەلەنگەن.
